Oksfam Azərbaycan soğan istehsalçılarına dəstək layihəsinə başlayır

Yerli və ölkə səviyyəli maraq qrupları olmayan tərəvəz istehsalşıları həmişə bazarın öyrənilməsində problemlərlə qarşılaşıblar. Buna görə də mütəmadi olaraq ayrı-ayrı tərəvəzin yetişdirilməsində çətinliklər və maliyyə sıxıntıları ilə üzləşiblər. Soğan istehsalçılarıda istisna deyil və bu gün Oksfam Azərbaycan təşkilatı onları Bakıda bir araya gətirərək, problemləri müzakirə etməyə və vəziyyətdən çıxış yolları axtarmağa çalışıb.

Tədbirdə investor və emalçılara soğanın istehsalı və emalı dəyər zəncirinin iqtisadi səmərəlilik təhlilinin nəticələri təqdim olunub. İqtisadçı-ekspert Mahmud Cəfərov bazarın inkişafı perspektivləri haqqında məruzə edib.

Dövlət statistika komitəsinin məlumatına görə, 2012-ci ildə soğan əkilən sahələr 13,1 min hektardan 11,6 min hektara düşüb. Məhsul istehsalı bu dövrdə 182,5 min tondan 166.2 min tonadək azalıb. 

Bu il bazarda soğan 50-60 qəpiyə satılır. Bu ötən ildəkindən 40% çoxdur. 

Tədbirdə “Qlobal Dan Şəfəqləri” (“Sunrise”) Layihəsinin Öyrənmə və Komunikasiya üzrə məsul əməkdaşı Justin Tait iştirak edib.

Qeyd edək ki, bu yaxınlarda Oksfam çiyələk istehsalçılarına və emalçılarına dəstək layihəsini başa çatdırıb. 08C