Bakıda yeni qaydalarla ünvan lövhələri qurulur

ilə Əmlak Məsələləri Dövlət Komitəsi “Azərbaycan Respublikasında ünvan reyestrinin aparılması və daşınmaz əmlak obyektlərinə ünvan verilməsi Qaydaları”na uyğun Avropa standartlarına müvafiq ünvan lövhələri vurulması işlərinə başlayıb. 

Bu ilin sonuna kimi Bakı şəhəri üzrə 2500-dən çox küçə və prospektri  əhatə etməklə binalara və girişlərə yeni qaydalarla ünvan lövhələrinin vurulması ilin sonunadək başa çatdırılması nəzərdə tutulur. Gələn ildən proses digər şəhər və rayonları da əhatə edəcək, deyə ƏMDK-də Turan-a bildiriblər. Yeni qaydalara əsasən, ünvanlar təkcə binalara yox, hər bir girişə veriləcək. 

Cənubi Koreyanın “SK C&C” Co LTD şirkəti tərəfindən Azərbaycan Ünvan Reyestrinin İnformasiya Sistemi yaradılıb. Lövhələr Cənubi Koreyada istehsal edilib. Mart ayının sonundan etibarən istehsal olunmuş ünvan lövhələrinin Bakıya gətirilməsi təmin olunur. ƏMDK mütəxəssislərinin fikrincə, layihə vətəndaşlara, dövlət qurumlarına, bələdiyyələrə və təşkilatlara imkan verəcəkdir ki, ünvana ünvan məlumatlarına çevik, vahid və etibarlı çıxış əldə etsinlər, internet əsaslı elektron xidmətlərdən istifadə edə bilsinlər.

Yeni sistem Norveçin xəritəçəkmə təşkilatının texniki dəstəyi ilə yaradılır. O, ƏMDK-yə qrant ayırıb. , 08D