Amerikanın Rod Aylend (Rhode İsland) ştatından sonra Men ştatı Dağlıq Qarabağla bağlı qətnamə qəbul edib. Bu qətnamədə Dağlıq Qarabağın “müstəqilliyinin tanınması” ilə bağlı çağırış var. Bu barədə Azərbaycan xarici işlər naziri Elmar Məmmədyarov Turan-ın Men ştatının Dağlıq Qarabağın “müstəqilliyini tanıması” və Amerika hökumətinə də çağırış etməsi barədə sualının cavabında bildirib.
Nazir bu çağırışın sülh prosesinə hansısa köməklik edəcəyinə inanmır. “Bunun arxasında Amerikada yaşayan erməni diasporunun dayandığını başa düşürəm. Belə hərəkətlərlə çalışırlar ki, guya Dağlıq Qarabağın “müstəqilliyini kiminsə tanıdığı” barədə imic yaratsınlar.
Digər tərəfdən onlar başa düşməlidirlər ki, belə hərəkətlər sülh prosesinə ziddir və kömək etmir. İnanmıram ki, belə hərəkətin hansısa nəticəsi olsun”, - o bildirib. -03B-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz