Baku Steel Company metallurgiya zavodu yayma dəzgahı tikir. Avadanlığın işə düşməsi müəssisəyə illik məhsulu artırmaq, çeşidi genişləndirmək imkanı verəcək. Hazırda yalnız armatur və yarımfabrikatlar buraxılır.
Yeni dəzgahın gücü ildə 350 min ton olacaq. Bunun 150 min tonu katanka, 200 min tonu fason profili olacaq. Tikinti-quraşdırma işləri gələn ilin I rübündə başa çatacaq, II rübdən məhsul buraxılacaq.
Dəzgah 5,5-9 mm diametrli katanka, №8-12 şveller və s. buraxacaq. Müəssisədə hesab edilir ki, katankanın 50%-i İran, Qazaxıstan, Gürcüstana ixrac ediləcək. Rusiyaya da satış mümkündür. Fasonu ilk növbədə daxili bazarda satmaq planlaşdırılır. Amma gələcəkdə İrana satılması da mümkündür.
Bundan başqa, Baku Steel-də poladəritmə bölməsində yenidənqurma davam edir. Elektropoladəritmə sexi №1-in gücü artırılacaq: elektrik sobası 500 min ton gücündə (indi illik gücü 350 min tondur) aqreqatla dəyişdiriləcək. Avadanlığın tədarükçüsü Siemens VAI şirkətidir (Almaniya).
İşlər bitəndən sonra (2013-cü ilin sonu)müəssisənin poladəritmə və tökmə gücü 20% artaraq ildə 900 min ton olacaq. 08D.
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz