"Bank of Azerbaycan" ASC “Proqressiv” əmanəti üzrə faiz dərəcəsini artırıb.
Bankda Turan-a deyiblər ki, altı aylıq əmanətlər üzrə faiz dərəcəsi 2 bənd artaraq 5%, 12 aylıq əmanətlər üçün 5 f. b. artaraq 12 faiz olub.
Hazırda bu əmanət manat, ABŞ dolları və avro ilə 6, 12, 24 və 36 aylığa qəbul edilir. Faiz gəlirləri hər ay və ya depozit müqaviləsinin sonunda verilir.
Əlavə imkan kimi əmanətçiyə depozitin 80%-i həcmində kredit və pulsuz Visa Electron kartı verilir.
Bankın depozit portfeli I yarımildə 16,7% genişlənərək 120,1 mln manat, o cümlədən müddətli müştəri əmanətləri 22,9 % artaraq 68,23 mln manat olub.
Bank 30 iyul 2007-ci ildən Əmanətlərin Sığortalanması Fondunun üzvüdür və dərəcəsi 12%-dən yüksək olmayan əmanətlər sığortalanıb. --15B--
İqtisadiyyat
-
Azərbaycan Prezidenti İlham Əliyev cümə axşamı Bakıda kommunal xidmətlər üçün nəzərdə tutulmuş xüsusi təyinatlı nəqliyyat vasitələri ilə tanış olub. Bu addım şəhər infrastrukturunun modernləşdirilməsi və ətraf mühitin dayanıqlılığının artırılması istiqamətində görülən tədbirlər çərçivəsində atılıb.
-
Azərbaycan Milli Depozit Mərkəzi (MDM) 2024-2026-cı illər üzrə maliyyə bazarlarının inkişafı üçün etimadın artırılması, bazara çıxış imkanlarının genişləndirilməsi və investisiya alətlərinin çeşidinin artırılmasına yönəlmiş strateji hədəflər və rəqəmsal yenilikləri elan edib.
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
Rəy yaz