İranla dostluq inkişaf edir?
Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə cümə axşamı Azərbaycanda səfərdə olan İranın vitse-prezidenti Seyid Həsən Musəvini qəbul edib.
QMİ sədri İranla Azərbaycan arasında əlaqələrin daim inkişaf etdiyini iddia edib. İranla Azərbaycan arasında gərginliyə işarə ilə “amma düşmənlər də, bizi istəməyənlər də yox deyil” münasibəti ifadə edib. Onun fikrincə, hər iki dövlətin səfirləri, dövlət rəhbərləri arasında problem yoxdur, həmin problemlər də yoluna qoyula bilər. A.Paşazadə Azərbaycanın iki şairinin İranda casusluq ittihamı ilə 4 aya yaxın saxlanmasını və Azərbaycan KİV-lərində bu haqda müntəzəm yazılmasını İran tərəfin diqqətinə “bu həbsin söz-söhbəti özündən çox oldu” şəklində çatdırıb. Şairlərin azadlığa buraxılmasına görə H.Musəviyə təşəkkür edib, Azərbaycana yeni səfərlərə dəvət edib.
Öz növbəsində, H.Musəvi bunun Azərbaycana ilk səfəri olduğunu, dövlət başçısı İlham Əliyevlə görüşdə İran tərəfin dostluq mesajlarını çatdırdığını vurğulayıb. Onun mövqeyinə görə, İranla Azərbaycan arasında “dostluq” münasibətləri daim inkişaf edir. Vitse-prezident İranın Azərbaycanın ərazi bütövlüyünü birmənalı dəstəklədiyini qeyd edib. Bu günlərdə İranda toplantısı keçirilən Qoşulmama Hərəkatının Azərbaycanın ərazi bütövlüyünü dəstəkləməsi haqda bəyanat qəbul etdiyini xatırladıb. “Amma elə ki, biz ciddi şəkildə bir-birimizə yaxınlaşmaq istəyirik, düşmən fitnəyə başlayır, amma heç kəs iki qardaşın arasına girə bilməz”, - deyə H.Musəvi iki dövlət arasındakı problemlərə münasibət ifadə edib.
İranda A.Paşazadəyə xüsusi ehtiram olduğunu deyən vitse-prezident onu İrana səfərə dəvət edib.
Tərəflər arasında söhbətdə konkret olmasa da, İranın yeni səfirinin bu yaxınlarda Azərbaycana gələcəyi vurğulanıb.
Sonda QMİ rəhbəri qonaqlara xatirə hədiyyələri bağışlayıb. -05C-
-
- Cəmiyyət
- 6 Sentyabr 2012 17:51
-
- İqtisadiyyat
- 6 Sentyabr 2012 17:56
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz