«Bank of Baku»nun «Bolkart» sahibləri yeni problemlə üzləşib.
Turan-ın məlumatına görə, borc olanda bank «Bolkart»ı yeniləməkdən imtina edir.
Bankın adının çəkilməsini istəməyən müştərilərindən biri qeyd edib ki, əvvəllər belə olmurdu. Müştərinin sözlərinə görə, əvvəllər borc olanda da kartın vaxtı keçəndə dəyişirdilər.
«Bank of Baku»nun «Bolkart» kredit kartının 3 ilədək müddəti var. Onlardan bankın tərəfdaşlarında – məşhur paltar, ətriyyat, kompüter texnikası, mebel mağazaları, restoran və s mal və xidmət haqqı ödənişində istifadə etmək olur.
«Bank of Baku»da Turan Agentliyinin yazılı sorğusuna cavab verməyiblər.
Bank eksperti Əkrəm Həsənov ehtimal edir ki, bu , manatın qiymətdən düşməsi ilə bağlı bankların manatla kredit verməyə ehtiyat etməsi ilə bağlı ola bilər. 71B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz