Həftə ərzində 16 min ton pambıq yığılıb

Noyabrın14-dək Azərbaycanda 64,1 min ton pambıq yığılıb. Bu, ötən ilin eyni dövründəkindən 30 min ton çoxdur.

Dövlətstatkom pambıq tədarükü məlumatlarını həftələr üzrə açıqlayır. Son həftə pambıqçılar pambıqtəmizləmə zavodlarına 16 min məhsul satıb.

Bu ildən hökumət pambıqçılığa subsidiya verilməsinə iki dəfə baxıb. Əvvəlcə pambıq yığımı buğda və düyü yığımına bərabər tutuldu. Onlarda 1 ha əkinə 90 manat verilir. Bir ay əvvəl subsidiyalaşma son məhsula bağlandı: pambıqtəmizləmə zavodlarına verilən hər kq üçün fermerlər 10 qəpik alır.

Bu il 52 min 57 ha sahədə pambıq əkilib.

KTN bitkiçilik şöbəsinin rəisi İmran Cümşüdov Turan-a bildirib ki, pambıq və bir sıra texniki bitkilərə görə subsidiya verilməsi mexanizminin dəyişdirilməsi üzrə təkliflər hazırlanır. Buna qədər tütün və barama istehsalının subsidiyalaşmasına yenilik edilib. 08B