Bank Respublikanın dəstəyi ilə Azərbaycanda Beynəlxalq Əmanət günü keçirilir

Bank Respublika Azərbaycanda Beynəlxalq əmanət gününün keçirilməsinə bir daha dəstəyini verdi.

Bank Respublika Mərkəzi Bankın təşəbbüsü ilə “Maliyyə savadlılığı” layihəsi çərçivəsində 31 oktyabr 2013-cü il tarixində Azərbaycanda Beynəlxalq Əmanət günü (BƏG) və onun davamı olaraq, noyabr ayı ərzində Maliyyə savadlılığıayı kimi keçircək. Əhalinin maliyyə maarifləndirilməsi tədbirlərinin təşkilatçıları Azərbaycan Banklar Assosiasiyası, Əmanətlərin Sığortalanması Fondu, Almaniya Əmanət Banklarının Beynəlxalq Əməkdaşlıq Fondu (AƏBBƏF) və bir sıra kommersiya banklarıdır. 

Beynəlxalq əmanət günü və Maliyyə savadlılığı aylığının keçirilməsində əsas məqsəd müxtəlif maarifləndirici tədbirlər vasitəsilə ölkə ictimaiyyətinin maliyyə savadlılığı məsələlərinə diqqətini artırmaq və əhalidə bank sektoruna inamı gücləndirməkdən ibarətdir. Bu ilki tədbirlərdə əsas hədəf qrupları məktəb şagirdləri və gənc ailələr olacaq. 

Bir ay ərzində Bank Respublika-nın əməkdaşları məktəbləri ziyarət edərək, şagirdlərlə maarifləndirici söhbətlər aparacaq, uşaqlar arasında yarışlar, müsabiqələr keçirəcəklər. Şagirdlərə habelə “Məktəblinin şəxsi büdcə planlaşdırılması kitabçası”, bank-maliyyə fəaliyyətini əks etdirən müxtəlif bukletlər, iqtisadi oyunlar,üzərində BƏG-in rəmzi olan köynəklər, papaqlar və çantalar hədiyyə olunacaq.

Qeyd edək ki, 31 oktyabr - Beynəlxalq əmanət günü 1924-cü ilin oktyabrında İtaliyanın Milan şəhərində 29 ölkənin iştirak etdiyi Beynəlxalq Konqresdə təsis olunub, ölkəmizdə ilk dəfə Azərbaycan Respublikası Mərkəzi Bankının təşəbbüsü ilə 2012-ci ildə keçirilib.—15D--