Vergi müfəttişi vəkil Elçin Sadıqovu hədələyir

Hüquq Müdafiəsi və Maarifləndirmə Cəmiyyətinin rəhbəri vəkil Elçin Sadıqov Vergilər Nazirliyinin əməkdaşı tərəfindən onun ünvanına hədələri araşdırmaq xahişi ilə nazir Fazil Məmmədova müraciət edib.

Müraciətdə özünü Vergilər Nazirliyi nəzdində vergi cinayətlərinin ilkin araşdırılması departamentinin işçisi kimi təqdim edən Vüqar Səfərov adlı şəxs tərəfindən vəkilin ünvanına hədələr daxil olduğu bildirilir.

Sadıqov bildirir ki, rəhbərlik etdiyi QHT 19 aprel 2006-cı ildə dövlət qeydiyyatından keçib. QHT ticari qurumdur və qarşısına gəlir əldə etmək məqsədi qoymur, heç kimlə əmək müqavilələri bağlamayıb, heç bir ödəniş həyata keçirməyib, ödənişli fəaliyyətlə məşğul olmayıb.

Bu zaman hər rüb müəyyən edilmiş müddətdə Sadıqov Vergilər Nazirliyinin 12 saylı ərazi şöbəsinə vergi hesabatları göndərirdi.

Lakin sentyabrın 25-dən etibarən Sadıqovun telefonuna 994553131325 nömrəli mobil telefondan zənglər daxil olmağa başlayıb, lakin o, xaricdə olduğu üçün zənglərə cavab verməyib.

Sonradan elə həmin nömrədən 2012-ci ilin 2 və 4-cü rübünə aid hesabatları, habelə yazılı izahatlar vermək tələbi ilə mesajlar daxil olub.

Sadıqov hesabatları poçtla göndərdiyini bildirib və xatırladıb ki, hesabatlar təqdim edilməyibsə, Vergilər Nazirliyinin ərazi şöbəsi ondan cərimə tələb edə bilərdi.

Bu zaman Sadıqov qeyd edib ki, VN Araşdırma Departamentinin əməkdaşının vergi hesabatlarına görə izahat tələb etmək hüququna malik deyildi və o, Departamentə getmək niyyətində deyil.

Sadıqov bildirir ki, o, 19 iyul 2012-ci və 21 yanvar 2013-cü il tarixlərində 2012-ci ilin 2-ci və 4-cü rübləri üçün vergi öhdəliklərinin olmadığı haqqında hesabatları poçtla göndərib.

Lakin oktyabrın 31-də saat 18.40-da və daha sonra Vüqar Səfərov yenidən +994553131325  və +99450 3157722  nömrəli telefonlardan zəng edib və vəkili məcburi qaydada Departamentə gətirdəcəyi ilə hədələyib. Sadıqovdan inkar cavabı alan Səfərov onu təhqir etməyə başlayıb.

Vəkil qeyd edir ki, yalnız ona qarşı cinayət işi olduğu halda onu məcburi qaydada Departamentə apara bilərlər. Açıq-aşkar cinayət hadisəsi olmadığı halda Araşdırma Departamentinin əməkdaşlarının insanları məcburi qaydada departamentə aparmaq hüququ yoxdur.

Vəkil naziri əməkdaşına qarşı tədbir görməyə və onun qanunsuz fəaliyyətinə son qoymağa çağırıb.

Qeyd edək ki, vəkil Elçin Sadıqov rezonansa səbəb olan işlər üzrə jurnalistlərin və vəkillərin hüquqlarının müdafiəsi ilə məşhurdur. -06D-