»Bank Standard»ın idarəetməsi yeni İdarə Heyətinə verilib

Avqustun 3-dən Maliyyə Bazarlarına Nəzarət Palatasının ”Bank Standard” KB-yə təyin etdiyi müvəqqəti inzibatçılıq başa çatır və bankın idarəetməsi yeni İdarə Heyətinə keçir. Bu tarixi Bu haqda  Maliyyə Bazarlarına Nəzarət Palatası müvəqqəti inzibatçılıq müddətinin başa çatması ilə bağlı müəyyən edib.

Rumiya Məmmədova ”Bank Standard”ın Müşahidə Şurasının sədri, Xəyyam Əliyev və Elşad Şirinov Şuranın üzvü seçilib. Audit Komitəsinin sədri Zamiq Məmmədov, üzvləri Raman Abışov və Paşa Əhmədzadə təyin ediliblər. Bundan başqa, Xalid Əhədov İdarə Heyətinin sədri, Mustafa Rəşidov isə İdarə Heyətinin üzvü vəzifələrinə təyin olunub.

Bankın sistem əhəmiyyətini nəzərə alaraq, avqustun 2-də Palatada «AzTürkBank» rəhbərliyinin”Bank Standard”ın yeni İdarə Heyəti ilə görüş keçirilib. Görüşdə gələcək inkişaf strategiyası müzakirə edilib. Palata rəhbrəliyi ”Bank Standard”ın maliyyə davamlılığının artıdılması üçün tövsiyələrini verib, yeni menecmentə lazımi dəstək göstərməyə hazır olduğunu bildirib.

MBNP xatırladır ki, 4 iyul 2016-cı ildə onun səhmlərinin nəzarət zərfi dövlətə məxsus olan “Azər-Türk Bank” ASC vasitəsilə sanasiya edilməsi haqqında qərar qəbul olunub. Bu proses çərçivəsində “Azər-Türk Bank” ASC tərəfindən “Bank Standard” KB-nin idarəedici orqanlarına yeni üzvlər təklif olunmuş və MBNP tərəfindən müsbət qiymətləndirilib.

«AzTürkBank» 3 aylıq müvəqqəti inzibatçılığını MBNP onunla əsaslandırmışdı ki, ”Bank Standard”ın idarəetməsində səhvlərə yol verilib. Bank az effektli investisiya layihələrini maliyyələşdirib. Nəticədə bankın problemli kreditləri artıb, maliyyə vəziyyəti pisləşib, likvidlik zəifləyib, kreditorlar qarşısında öhdəliklərin yerinə yetirilməsində problemlər yaranıb. –0—