Ekspertlər taxıl istehsalı üçün subsidayaları taxıl idxalına yönəltməyi təklif edir

Avqustun 2-də İqtisadiyyat Nazirliyində taxıl istehsalçıları və maraqlı dövlət strukturlarının iştirakı ilə görüş keçirilib.

Turan-a məlum olub ki, iclasda çörəyin qiymətinin sabit saxlanması müzakirə edilib.

İclas çörəyin qiymətinin 25% bahalanmasından sonra baş verib.

Turan öz analitik məqaləsində çörəyin bahalanmasının əsaslılığını şübhəyə alıb və hökuməti qiymət təşəkkülnü əhaliyə izah etməyə çağırıb.

Bu il yanvarın  15-dən prezident İlham Əliyevin tapşırığı ilə buğda idxalı və satışı, un və çörək satışı ƏDV-dən azad edilib. Bu, taxılın və unun ucuzlaşması ilə nəticələnib. Bundan başqa, bu il Azərbaycanın aldığı Rusiya buğdası ötən ilki $220   əvəzinə $140 olub.

2008-ci ildə əhalinin çörəklə təminatı və qiymət sabitliyini qorumaq üçün Dövlət Taxıl Fondu yaradılıb. İlkin olaraq Fond 200 min ton taxıl qəbul etməli idi. 2014-cü ildə kvota 500 min ton, 2015-ci ildə 750 min ton olub.

DTF yerli taxıl almır. Azərbaycanda 3-cü sinif taxıl istehsal olunmur.

DTF-yə FHN nəzarət edir. Bu qurumun rəhbəri çörək biznesində iştirak edir, ailə strukturlarının çörək bazarında rəqabətinin yüksəldilməsi üçün imkanlarından istifadə edir.

KTN 2015-ci ildə 2 mln 999 min ton taxıl istehsal edildiyini bildirir. Bu il bu göstərici 3 mln tona çatdırılmalıdır.

Ekspertlər bu rəqəmə şübhə edir. Azərbaycanın ərzaq və yemlik taxıla ehtiyacı 2,5 mln tondur. İdxalı da hesaba alanda 4,3 mln alınır.

Dövlət taxıl istehsalına milyonlarla subsidiya ayırır. KTN-ə görə, 2014-cü ildə 951 min 642 hektardan məhsul yığılıb. Hər hektara 80 manat ayrılır. Bu isə 76 mln manat deməkdir.

Turan agentliyi ölkədə ərzaq buğdası istehsal edilmədiyini nəzərə alıb, bu sahəni subsidiyalaşdırmaq əvəzinə bu vəsaitin çoxunu taxıl idxalına yönəltməyi təklif edir. Bu, əhalinin həyat səviyyəsi inkişaf etmiş ölkələrin səviyyəsinə çatanadək davam etdirilməlidir.—0---