Bank Standart-ın lisenziyası ləğv olunub

 Azərbaycanın ən böyük banklarından biri olan Bank Standart ASC-nin lisenziyası ləğv olunub. Bu qərarı cümə günü Azərbaycanın Maliyyə Bazarlarına Nəzarət Palatası qəbul edib. Depozitləri sığortalanmış əmanətçilərə pullarının qaytarılacağı vəd olunub.

 “Palatanın direktorlar şurası cümə günü növbədənkənar iclasda bankın lisenziyasını ləğv etməyi qərara alıb”, deyə cümə günü keçirilən mətbuat konfransında Maliyyə Bazarlarına Nəzarət Palatasının rəhbəri Rüfət Aslanlı bildirib.

Bankın lisenziyasını ləğv etmək qərarı 2016-cı il oktyabrın 1-dən qüvvəyə minir. Palata qərarı bankın sanatorunun (sağlamlaşdırıcının - Azər-Türk Bank) və bankın yeni menecmentinin müraciəti əsasında Azərbaycan Maliyyə Nazirliyi və Mərkəzi Bankı ilə məsləhətləşmələrdən sonra qəbul edib, deyə Aslanlı sözünə davam edib.

  Onun sözlərinə görə, bankın problemləri əvvəlki rəhbərliyin idarəetmədə və investisiya-kredit siyasətində nöqsanları ilə bağlı olub.

 Palata cümə günü banka müvəqqəti sədr təyin edib. Bazar ertəsi Palata bankın müflisliyi haqqında iddianı məhkəməyə göndərəcək. Məhkəmə bankın öhdəliklərini müəyyən edəcək və ləğvedici qanunvericiliyə əsasən onları tənzimləyəcək. Azərbaycan Əmanətlərin Sığortası Fondu bank müştərilərinə sığortalanmış əmanətləri qaytaracaq.

    Aslanlının sözlərinə görə, əmanətlərin ümumi həcmi 520 mln. manata bərabər məbləğ təşkil edir. Bu məbləğin 460 mln. manatı sığortalanmış əmanətlərdir.

    Bundan əvvəl Palata 3 may 2016-cı ildən etibarən Bank Standart-da aktivlər, satılma ilə bağlı vəziyyətin pisləşməsi ilə əlaqədar banka müvəqqəti rəhbərlik təyin edib. 2016-cı ilin avqustundan bankda yeni menecment işləməyə başlayıb.

    Beləliklə, Azərbaycanda fəaliyyət lisenziyası olan bankların sayı 32-yə qədər azalıb.

    Bank Standart Azərbaycan banklarının ilk beşliyinə daxil idi, depozit həcminə görə isə ikinci yeri tuturdu. -06D-