![Milli Məclis Avronest-dən çıxmaq qərarından imtina edib](https://turan.az/resized/750/500/resize/media/2016/main/102700000160.jpg)
Milli Məclis Avronest-dən çıxmaq qərarından imtina edib
Sentyabrın 30-da, Milli Məclisin payız sessiyasının birinci günündə parlamentarilər Avropa Parlamenti ilə bir il əvvəl Azərbaycan tərəfindən kəsilmiş əlaqələri bərpa etməyi qərara alıblar.
Parlamentin bununla bağlı qəbul etdiyi qərarda xatırladılır ki, münasibətlər 2015-ci il sentyabrın 10-da Avropa Parlamentinin Azərbaycana qarşı “ədalətsiz və qeyri-obyektiv qətnamə” qəbul etməsindən sonra dayandırılıb. Qətnamə ölkədə insan hüquqlarının pozulmasına görə Azərbaycan hakimiyyətinə qarşı sanksiyalar tətbiq edilməsini nəzərdə tuturdu və bütün siyasi məhbusların azad edilməsini tələb edirdi.
Buna görə, elə həmin il sentyabrın 14-də Milli Məclis Avronest Parlament Assambleyasına üzvlüyə son verilməsi haqqında qərar qəbul edib.
2016-cı ilin aprel ayında Avropa Parlamenti Milli Məclis və Avropa Parlamenti arasında dialoqu bərpa etmək üçün Azərbaycana Avronest PA-nın nümayəndə heyətini göndərib. Səfərin və danışıqların yekunlarına görə əməkdaşlığın bərpa edilməsi zərurətini ifadə edən birgə bəyanat qəbul olunub.
Belə ki, Azərbaycanın AŞPA-dakı nümayəndə heyətinin rəhbəri, eyni zamanda Avropa İttifaqı ilə parlamentlərarası əməkdaşlıq komitəsinin həmsədri olan Səməd Seyidov Avropa İttifaqı tərəfdənhəmsədr Səccad Kərimlə birgə bəyanat yayıb.
Bəyanatda deyilirdi: “Avropa Parlamentinin nümayəndə heyəti ötən il Avropa Parlamenti və Azərbaycan arasında dialoq olmamasına təəssüf edir. Hər iki tərəf normal dialoqu bərpa etməyə ümid edir və Milli Məclisin Avronest-də iştirakına operativ yardım göstərməyə hazırdır”.
Seyidov və Kərim həmçinin Avronest-i Milli Məclisin onun işində iştirakına yardım prosedurlarına yenidən baxmağa çağırıblar.
Öz növbəsində, Avropa Parlamentinin nümayəndə heyətinin üzvləri bildiriblər ki, oktyabrın 6-na, Azərbaycanın Avronest-dən imtinası haqqında qərar qüvvəyə minənə qədər Bakıdan Avronest-in işində iştirak etmək istəyi haqqında rəsmi siqnal gözləyir.
Avropa Parlamentinin Səccad Kərimin başçılıq etdiyi altı nəfərlik nümayəndə heyəti sentyabrın 20-də Bakıda prezident İlham Əliyev tərəfindən qəbul edilib. O, nümayəndə heyətini kəskin ittihamlara məruz qoyub. -02D-
-
- İqtisadiyyat
- 30 Sentyabr 2016 17:35
-
- İqtisadiyyat
- 30 Sentyabr 2016 21:07
Siyasət
-
ATƏT-in qısamüddətli müşahidə missiyasının Xüsusi Koordinatoru və rəhbəri Maykl Krid Azərbaycanda növbədənkənar parlament seçkiləri ilə bağlı müxtəlif seçki məntəqlərində müşahidələr aparıb. O Amerikanın Səsinə müsahibəsində ATƏT-in müşahidə missiyasının ilkin rəyinin sentyabrın 2-də təqdim ediləcəyini bildirib.
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
70 saylı Neftçala seçki dairəsindən deputatlığa namizəd, ictimai fəal Vəfa Nağı Qaçaqkənd kəndindəki 40 saylı seçki məntəqəsində ona qarşı fiziki zorakılığa məruz qaldığını bildirib.
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
Rəy yaz