![Bank Standart müştərilərin vəsiatlərinin qaytarılması qaydalarını açıqlayıb](https://turan.az/resized/750/500/resize/media/2016/main/080900165016.jpg)
Bank Standart müştərilərin vəsiatlərinin qaytarılması qaydalarını açıqlayıb
Bank Standart QSC-nin müştəriləri birinci mərhələdə hesablarından 30 min manata qədər vəsaiti məhdudiyyətsiz çəkə biləcəklər, bu barədə bankın saytında yerləşdirilmiş məlumatda deyilir.
Sənəddə qeyd edilir ki, avqustun 3-də bankın Maliyyə Bazarlarına Nəzarət Palatası tərəfindən təyin edilmiş müvəqqəti idarəetmə müddəti başa çatıb.
Bankda yaranmış likvidlik problemləri ilə əlaqədar avqustun 4-dən etibarən dövlət dəstəyi ilə bankın sağlamlaşdırılmasının birinci mərhələsi başlayıb.
Bu mərhələ çərçivəsində fiziki şəxslərə cari hesablardan (plastik kartlar) və 2016-cı ildə müddəti bitən depozit hesablarından 30 min manata qədər (və ya xarici valyuta ekvivalentinə) vəsaitlərin limitsiz ödənilməsi nəzərdə tutulur.
Cari hesablarda (plastik kartlar) 30 min manatı aşan (və ya xarici valyuta ekvivalentini) məbləğlər, habelə 2016-cı ildə bitən müddətli depozit qalıqları üzrə bir neçə təklifə baxılır.
Bu təkliflər haqqında müştərilərə əlavə məlumat veriləcək.
2016-cı ildən sonra müddəti bitən depozitlər üzrə tədbirlər planı sağlamlaşdırma proqramının 2017-ci ilə nəzərdə tutulan ikinci mərhələsində işlənib hazırlanacaq. Bu plan 2016-cı ilin sonuna qədər təqdim ediləcək.
Sağlamlaşdırma proqramı çərçivəsində həm ölkə daxilində, həm də xaricdə “Bank Standart”ın plastik kartları bərpa olunur.
Hüquqi şəxslərin cari hesablar üzrə əməliyyatları məhdudiyyətsiz həyata keçirilə bilər.
Bankın sağlamlaşdırılması “Azərtürkbank” QSC vasitəsilə həyata keçirilir.
Avqustun 3-də “Bank Standart” QSC səhmdarlarının növbədənkənar iclası keçirilib. İclasda Müşahidə Şurasının, Audit Komitəsinin tərkibi yenidən formalaşdırılıb, İdarə Heyətinin tərkibinə dəyişikliklər edilib. Xalid Əhədov İdarə Heyətinin sədri təyin edilib. -06D-
-
- İqtisadiyyat
- 9 Avqust 2016 17:23
-
- Cəmiyyət
- 9 Avqust 2016 18:13
İqtisadiyyat
-
Fitch Ratings Azərbaycan Respublikasının uzunmüddətli xarici valyuta emissiya defolt reytinqini (IDR) “BB+”dan “BBB-”ə qaldırıb, bu da investisiya səviyyəsində statusu və stabil görünüşü göstərir. Bu müsbət addıma baxmayaraq, agentlik ölkənin iqtisadi inkişafını təsir edə biləcək bir neçə iqtisadi əngəli vurğulayıb.
-
Azərbaycan Dövlət Statistika Komitəsinin məlumatına görə, 2024-cü ilin birinci yarısında Azərbaycanda mehmanxana və mehmanxana komplekslərində gecələmələrin sayı 2023-cü ilin eyni dövrü ilə müqayisədə 35,8% artaraq 1 milyon 851 min nəfərə çatıb.
-
Gələn ilin əvvəlində Azərbaycanda vahid elektron daşınmaz əmlak portalı istifadəyə veriləcək, bunu İqtisadiyyat Nazirliyinin Dövlət Əmlak Xidmətinin Dövlət Kadastrı və Daşınmaz Əmlakın Reyestri Kollegiyasının idarə heyətinin sədri Nigar Alimova deyib.
-
İqtisadiyyat Nazirliyindən verilən məlumata görə, “AzerGold” QSC-nin Daşkəsən rayonunda yerləşən Çovdar İnteqrasiya edilmiş Regional Emalı Müəssisəsində (MHİB) yerləşən sorbsiya ilə yuyulma zavodu tammiqyaslı fəaliyyətə başlayıb.
Rəy yaz