Jurnalist Rasim Əliyev ölümünün ildönümü
Azərbaycan ictimaiyyəti avqustun 9-da jurnalist Rasim Əliyevin “Qəbələ” futbol klubunun kapitanı Cavid Hüseynovun fanatları tərəfindən öldürülməsinin ildönümünü qeyd edib.
Yadetmə mərasimi Bakı ətrafındakı evdə başlayıb, burada onun ruhuna dualar oxunub, dostları və silahdaşları isə Azərbaycanda ifadə azadlığı uğrunda həlak olanları və xəsarət edənləri yada salıblar.
Rasim Əliyev bir il əvvəl Məmmədli qəsəbəsi yaxınlığındakı qəbirstanlıqda torpağa verilib və bu gün yaxınları və vətəndaş cəmiyyəti nümayəndələri onun xatirəsini yad etmək üçün oraya gəliblər.
Dua oxuyan molla Rasimi “söz azadlığı şəhidi” adlandırıb, onu həlak olan jurnalistlər – azadlıq idealları uğrunda canlarından keçmiş Elmar Hüseynov və Rafiq Tağı ilə bir sıraya qoyub.
“Strateji Düşüncə Mərkəzi”nin rəhbəri İsa Qəmbər və Müsavat Partiyasının lideri Arif Hacılı öz çıxışlarında Rasimin Azərbaycanda söz azadlığının müdafiəsində böyük xidmətlərini qeyd ediblər.
“Bu qətl siyasi motivlidir”, deyən Qəmbər müstəqil mətbuatın daim rejimin hədəfində olduğunu vurğulayıb.
Hacılı jurnalistləri sistemli şəkildə təqib edən rejimin məğlubiyyətə məhkum olduğundan əminliyini ifadə edib. “Ölkənin və xalqın avtoritarizmdən azad olacağı gün uzaq deyil”, deyə o bildirib.
Turan İnformasiya Agentliyinin direktoru Mehman Əliyev qeyd edib ki, Rasim kimi jurnalistin ölümü Azərbaycanın müstəqil mətbuatı üçün böyük itkidir, belə ki, onun sahəsi çox məhduddur. “Azərbaycanda jurnalist çoxdur, amma müstəqil jurnalist çox azdır”, deyən Əliyev hakimiyyətin təzyiqlərinə baxmayaraq, sosial və mobil jurnalistikanın inkişaf etdiyini qeyd edib.
Dövlətin müstəqil mətbuata münasibətinin nümunəsi kimi Əliyev mərasimdə Prezident Administrasiyasının, Mətbuat Şurasının və adı “jurnalist təşkilatı” olan təşkilatların nümayəndələrinin iştirak etməməsi faktını göstərib.
O, “Qəbələ” futbol klubunun prezidenti Taleh Heydərovun komandasının Fransanın “Lilem” komandası üzərində qələbəsini Cavid Hüseynova həsr etməsini əxlaq qaydalarına zidd adlandırıb.
Rasimin atası Məmmədəli Əliyev çətin vaxtlarda ailəyə mənəvi dəstək olan hər kəsə təşəkkür edib. “Sizə səadət arzulayıram və Allaha dua edirəm ki, ailəmizin başına gələn faciədən sizi qorusun”.
* Rasim Əliyev 2015-ci il avqustun 8-də döyülüb və ertəsi gün xəstəxanada vəfat edib. Onun ölüm işi üzrə 6 nəfər, o cümlədən futbolçu Cavid Hüseynov keçir. C.Hüeynovun işi ayrıca icraata götürülərək Səbayel Rayon Məhkəməsində baxılıb. Mayın 31-də Səbayel Rayon Məhkəməsi C.Hüseynovu CM-in 307.1. (hazırlanmaqda olan cinayət barədə məlumat verməmək) və 307.2. (cinayətin gizlədilməsi) maddələri ilə ittiham edərək 4 il azadlıqdan məhrum edib. Digər beş nəfər R.Əliyevin döyülməsində günahkar bilinərək uzunmüddətli həbs cəzası alıb. Jurnalistin döyülərək ölməsinə onun C.Hüseynov haqqında tənqidi status yazması səbəb olub. -0-
-
- Siyasət
- 9 Avqust 2016 18:28
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 196
Rəy yaz