Bank VTB (Azərbaycan) ASC-nin təhlükəsizlik sitemi beynəlxalq standartlara cavab verir
Bank VTB (Azərbaycan) ASC-nin beş illik fəaliyyəti dövründə heç bir fövqəladə vəziyyət və ya qarət faktı baş verməyib. Bu barədə Bankın Təhlükəsizlik idarəsinin rəisi Zahid Səmədzadə bildirib.
İdarə rəisi qeyd edib ki, maskalı qarətçilərin pul ilə dolu torbalarla qaçaraq bankdan çıxması dövrü artıq keçmişdə qalıb. “Xoşbəxtlikdən belə səhnələri yalnız “Hollywood” filmlərində izləmək və ya bədii ədəbiyyatdan oxumaq mümkündür. Buna baxmayaraq biz xidmət zamanı sayıqlığı azaltmırıq”, - deyə Səmədzadə qeyd edib.
“Bizim təhlükəsizlik standartlarımız Mərkəzi Bankın təhlükəsizlik göstəricilərinə və beynəlxalq standartlara tam cavab verir, deyə Səmədzadə bildirib, - bankda qarət və ya digər xoşagəlməz fövqəladə halın baş verməsi həm müştərilərdə, həm də əməkdaşlarda silinməz psixoloji iz buraxır. Bu səbəbdən təhlükəsizlik xidmətinin fəaliyyəti strateji əhəmiyyət kəsb edir və hər hansı bir xətaya yol verilməsi qəbulolunmazdır”.
“Müasir təhlükəsizlik texnologiyaları və kadrların hazırlıq səviyyəsinin artırılması sayəsində, həmçinin işçi heyətin nağd pullar ilə təmasının məhdudlaşdırılması nəticəsində qarətçilərin bankda oğurluq niyyətləri böyük risklə qarşılaşır. Müasir bankın təhlükəsizlik sistemi seyflərə yaxınlaşmağı məhdudlaşdırmaqla yanaşı, qarətçinin oğurladığı vəsaitlə bankdan çıxmasına da ciddi maneə yaradır”, - Zahid Səmədzadə vurğulayıb.
Bank VTB (Azərbaycan) ASC-nin təhlükəsizliyinin təmin olunmasında İnformasiya təhlükəsizliyi prioritet istiqamətdir. Bankın internetdə mövcud təhlükəsizlik sistemi kiberqarətçilər üçün ciddi problemlər yaradır.
Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Rusiya tərəfndən – Bank VTB ASC və Azərbaycan tərəfindən – “AtaHoldinq” ASC-dirlər. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bank 4 filial və Baş ofisdə Müştəri Xidmətləri İdarəsilə təmsil olunur. —15D--
-
- İqtisadiyyat
- 24 Yanvar 2014 13:04
-
- Cəmiyyət
- 24 Yanvar 2014 13:43
İqtisadiyyat
-
Rəşad Hüseynov Kənd Təsərrüfatı Nazirliyinin tabeliyində olan Aqrar Tədqiqatlar Mərkəzinə (ATM) yeni direktor təyin edilib. O, 2019-cu ildən mərkəzə rəhbərlik edən Firidusi Fikrətzadəni əvəz edib. Fikrətzadə iyunun 10-da öz istəyi ilə vəzifəsindən ayrılıb.
-
İyulun 1-dən avtobuslarda və metroda gediş haqqı 10 qəpik bahalaşaraq 50 qəpik olub. Bakı-Sumqayıt istiqamətində avtobusda gediş haqqı isə 60 qəpikdən 70 qəpiyə yüksəlib. Amma qiymət artımından sonra keyfiyyətdə heç bir dəyişikliyin olmadığı bildirilir. Şikayətlərə görə, periferiyada fəaliyyət göstərən avtobuslarda kondisionerlər işləmir, sıxlıq davam edir.
-
Azərbaycan Respublikası Dövlət Neft Şirkətinin (SOCAR) Prezidenti Rövşən Nəcəf, Sloveniya Ətraf Mühit, İqlim və Energetika Naziri Bojan Kumer ilə ikitərəfli enerji sektorunda əməkdaşlığı müzakirə etmək üçün görüş keçirdi.
-
Azərbaycanın energetika naziri Pərviz Şahbazov Dünya Bankının Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə görüşərək enerji sektorunda əməkdaşlığın inkişafını müzakirə edib.
Rəy yaz