Bankların Azərbaycan Mərkəzi Bankından borc aldığı kreditlər üzrə öhdəlikləri bu ilin noyabrında 4,9 mln manat və ya 0,2 faiz artaraq 3165,4 mln manat olub. İllik müddətdə bu göstərici 498,2 mln manat və ya 28,7% artıb, ilin əvvəlindən 127,4 mln manat və ya 3,7% azalıb.
AMB-nin məlumatına əsasən, ötən ilin fevralından mərkəzləşdirilmiş kreditlər illik 4,75%-lə verilir.
Oktyabrın sonu üçün Azərbaycan Mərkəzi Bankının mərkəzləşdirilmiş resursları bankların maliyyə sektorundan cəlb etdiyi bütün vəsaitlərin 46,9%-i və bank sisteminin bütün öhdəliklərinin 18,8%-i qədər olub.
Maraqlıdır ki, 5 il əvvəl – dünya maliyyə böhranı bank sistemində yenicə hiss ediləndə AMB -nin kreditlərinin payı cəmi 178,4 mln manat və ya bankların ümumi öhdəliklərinin 2,2%-i qədər idi. --15В--
İqtisadiyyat
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
Rəy yaz