«Bank VTB-Azərbaycan» ipoteka krediti verəcək

«Bank VTB (Azərbaycan)» AİF xətti ilə ipoteka krediti verməyi planlaşdırır.

Turan-ın məlumatına görə, bu barədə bankın İdarə Heyətinin prezidentinin müavini, “VTB Bank (Azerbaijan)”ın Müşahidə Şurasının sədri Mixail Oseyevski bəyan edib.

O deyib ki, Maliyyə Bazarlarına Nəzarət Palatası ilə razılığa əsasən, 2017-ci ilin sonuna kimi əlavə səhm emissiyası buraxılacaq.

«2016-cı ilin yayında 110 mln manat məbləğində kapitala əlavə vəsait yatırdıq”, - deyə M.Oseyevski Bakıda brifinqdə bildirib.

O deyib ki, “VTB Bank (Azerbaijan)” 2018-ci ildə mənfəətə çıxmaq niyyətindədir

"İndi bankın strategiyasının əsas məqsədi Rusiyanın törəmə strukturlarımızın olduğu ölkələrlə ticarət dövriyyəsinə dəstək verməkdən ibarətdir” deyə o bildirib.

«Biz belə tranzaksiyalar üçün dəstək qrupu olmalıyıq. Buna görə də yerli bazarda fəaliyyət göstərən Rusiya şirkətlərinin, Rusiya bazarına istiqamətlənmiş yerli şirkətlərin həyata keçirdiyi əməliyyatları maliyyələşdirəcəyik. Buna görə biz hüquqi şəxslərlə, əsasən gəliri $10-20 mln. olan orta şirkətlərlə işə daha çox üstünlük veririk", - deyə o əlavə edib.

VTB Bank (Azerbaijan)ın səhmlərinin 51%-i Bank VTB ASC-yə, 48,99%-i AtaHolding-ə, 0,01%-i fiziki şəxsə məxsusdur. 71D