Bank VTB (Azərbaycan) Azərbaycanın təxminən 10 aparıcı İT şirkətlərinin iştirak etdiyi Oracle şirkətinin program lisenziyalarının alınması üçün tender keçirib. Tenderin nəticələrinə görə müsabiqənin qalibi SİNAM şirkəti elan edilib.
Hal-hazırda, SİNAM və Bank VTB (Azərbaycan) arasında müqavilənin imzalanması üzrə danışıqlar aparılır.
Müqaviləyə əsasən, Bank VTB (Azərbaycan) Oracle məlumat bazası və Oracle Business İntelligence program təminatı üçün lisenziya əldə etməyi planlaşdırır.
Bank VTB (Azərbaycan) ASC-nin Biznes Prosseslərinin İnkişafı Şöbəsinin müdiri Maksim Popov:
“Yeni program təminatının köməyilə bütün məlumatların vahid saxlanc yeri qurulacaq.Biz müxtəlif məlumatları konsolidə ediləcəyi vahid sistemdə həyata keçiriləcək bütün hesabatlarımızın və analitikanın avtomatlaşdırılması imkanını əldə edəciyik.”
* Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Bank VTB ASC və “AtaHolding” ASC-dir. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bu gün Bank 6 filial və Baş ofisdə yerləşən Müştəri xidmətləri idarəsi ilə təmsil olunub.
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz