“Siyasi məhbusların azadlığa buraxılması üçün səylərinizi artırın”
“Siyasi Məhbuslarsız Azərbaycan” İctimai Alyansı Avropa Şurası Parlament Assambleyasına müraciət edib. Müraciətdə deyilir; “Hörmətli Assambleya üzvləri, Sizə müraciət edən bizlər Azərbaycanda qanunsuz həbs həyatı yaşamış keçmiş siyasi məhbuslarıq. Adlarımız insan haqlarını müdafiə edən müxtəlif beynəlxalq təşkilatların, o cümlədən AŞPA- nın siyasi məhbuslar üzrə xüsusi məruzəçisi olmuş alman deputat Kristofer Ştrasserin hazırladığı siyahıdan sizlərə tanış gələ bilər. Yerli və beynəlxalq ictimaiyyətin dəstəyi ilə biz həbsdən azad olunsaq da ictimai- siyasi fəaliyyətinə görə həbs olunmuş digər dostlarımız hələ də dəmir barmaqlılar arasındadır. Sizə bu müraciətimiz də onların qanunsuz həbsi ilə bağlıdır.
Ölkəmiz 2001- ci ildə Avropa Şurasına daxil olanda sevindik ki, Azərbaycan qurumun üzvü kimi insan haqlarına, ifadə və sərbəst toplaşmaq azadlığına hörmətlə yanaşacaq. Bu istiqamətdə üzərinə götürdüyü öhdəliklərə əməl edəcək və sizlər də bu prosesə nəzarət edəcəksiniz. Bir sözlə Azərbaycan Avropa Şurasının prinsip və standartlarına uyğunlaşacaq. Amma təəssüflər ki, ötən müddət ərzində gözləntilərimiz doğrulmadı. Əksinə, getdikcə Avropa Şurası avropa dəyərlərindən uzaqlaşaraq daha çox keçmiş possovet ölkəsi kimi avtoritarizmin möhkəmləndiyi Azərbaycanın dəyər və prinsiplərinə uyğunlaşmaqdadır. Məhz bu “uyğunlaşma”- nın nəticəsidir ki, Avropanın bir sıra beyn mərkəzləri, eləcə də sizin bəzi həmkarlarınız bu uyğunlaşmanı Azərbaycan iqtidarının yürütdüyü “kürü diplomatisiyası”- nın məhsulu hesab edir.
Dəyərli Assambleya üzvləri,
Cari ilin 14 mayından Avropa Şurasının Nazirlər kabinetinə sədrliyə başlayan Azərbaycan təəssüflə qeyd olunmalıdır ki, bu vəzifəni insan haqlarının, söz- mətbuat azadlığının addımbaşı tapdalandığı siyasi məhbuslar ölkəsi olaraq qəbul etdi. Hazırda ölkəmizdə 140- dan çox siyasi məhbus var. Təəssüflə qeyd etməliyik ki, Azərbaycan siyasi və vicdan məhbuslarının sayına görə Avropanın lider ölkələrindən biridir. Son zamanlar elə ay olmur ki, bu siyahıya yeniləri əlavə olunmasın.
Sizlərə müraciət etməmizə səbəb odur ki, Azərbaycanın AŞ Nazirlər Kabinetinə sədrlik edəcəyi qarşıdakı 5 ay ərzində ölkəmizdə insan haqları ilə bağlı vəziyyətə diqqətinizi artırasınız. AŞPA tərəfindən Azərbaycandakı siyasi məhbuslarla bağlı xüsusi məruzəçinin təyin olunmasına və bu sahədə mövcud duruma dair hesabatın hazırlanıb qurumun növbəti sessiyasına çıxarılmasına öz töhvənizi verəsiniz. Siyasi məhbusların azadlığa buraxılması, ictimai- siyasi fəalların təqib və təzyiqlərə məruz qalmalarına son verilməsi, sərbəst toplaşmaq və ifadə azadlığının təmin olunması istiqamətində səylərinizi artırasınız. Siz bu addımla həm Azərbaycanın Avropa Şurası qarşısında götürdüyü öhdəliklərin yerinə yetirilməsinə nail olar, həm də son zamanlar təmsil etdiyiniz qurumun zədələnən imicinin bərpa olunmasına yardım etmiş olarsınız”.
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz