![Banklar və valyutadəyişmə məntəqələri bağlıdır, «qara bazar»da canlanma var](https://turan.az/resized/750/500/resize/media/2016/main/010900142870.jpg)
Banklar və valyutadəyişmə məntəqələri bağlıdır, «qara bazar»da canlanma var
Yanvarın 9-dan səhər Bakının mərkəzində bütün valyutadəyişmə məntəqələri qapadılıb. Onların bəzisinin qarşısında valyutanı “qara bazar”ın məzənnəsi üzrə dəyişən işbazları görmək olar.
Mərkəzi Bank hər hansı bəyanat və məlumat yaymayıb, halbuki, ötən gün bəyan edib ki, kommersiya bankları özləri məzənnəni müəyyən edəcəklər və bu, hərraclarda baş verir.
Praktikada isə manatın məzənnəsinin enməsi davam edir.
Nəzarətsiz devalvasiya prosesinin qarşısının alınması üçün hakimiyyət inzibati tədbirlərə əl atır, mübadilə məntəqələrini bağlayır.
Ötən gün iş gününün sonunda AMB-nin 4 faizlik faiz marjı barədə göstərişindən sonra bəzi banklar xarici valyutanın məzənnəsini endiriblər. Nelə ki, Access Bank dolların alışını
1.5642, satışını 1.6267 manat həddində müəyyən edib.
Avro üçün aşağıdakı məzənnə müəyyən edilib: alış 1.6329, satış 1.7689.
AGBank, Yapı Kredi, Bank of Baku, Nikoil Bank və digərləri də təxminən belə məzənnə müəyyən ediblər. Gün ərzində banklarda və valyutadəyişmə məntəqələrində dollar 1,85-1,87, avro 2-2,05 manata satılıb.
Lakin AMB-nin təlimatı açıqlandıqdan sonra bütün valyutadəyişmə məntəqələri qapadılıb.
Şənbə günü adətən qısa iş günü rejimində fəaliyyət göstərən banklar və filiallar bu gün səhərdən bağlıdır.—06D-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz