Beynəlxalq bank 2014-cü il üçün BMHS və BAS əsasında bank qrupunun birləşdirilmiş maliyyə hesabatlarının auditi üçün tender elan edib
Azərbaycan Beynəlxalq Bankı (ABB) bankın özündə və törəmə strukturlarında 2014-cü ilin birinci yarısı və bütün il üçün Beynəlxalq Maliyyə Hesabatlılığı Standartı və Beynəlxalq Audit Standartı əsasında birləşdirilmiş maliyyə hesabatlarının auditinin həyata keçirilməsi üçün xarici auditor cəlb etmək məqsədi ilə açıq tender elan edib.
Bankdan verilən məlumata görə, tender prosedurunda iştiraka görə ödəniş 500 manat təşkil edir, bu da əvvəlki analoji tenderlərdə olduğundan iki dəfə azdır.
Ərizələr cari ilin martın 3-ə qədər bankın Nizami, 67 ünvanında yerləşən inzibati binasında qəbul edilir. Təkliflər olan zərflər də martın 5-də maat 15-də açılacaq.
Xatırladaq ki, BMHS və BAS əsasında bankın birləşdirilmiş maliyyə hesabatlarının auditi 2002-ci ildən həyata keçirilir. Son dörd tenderin qalibi "Deloitte & Touche" beynəlxalq audit şirkəti olub. Ötən il o öz xidmətlərini 354 min manat məbləğində dəyərləndirib.
Azərbaycan hökumətinin nəzarət səhm paketini (50,2%) saxlamaqda davam etdiyi ABB həmçinin Rusiya və Gürcüstanda törəmə banklara, sığorta və prossesinq şirkətinə sahibdir. Əlavə məlumat üçün 498-85-36 (daxili 12-25) nömrəli telefonla E.Abbasova müraciət etmək lazımdır. --15B--
İqtisadiyyat
-
Qazaxıstanın energetika naziri Almasadam Satkaliev bazar ertəsi bildirib ki, Qazaxıstan və Azərbaycan 2022-ci ilin yazından dayanan Bakı-Supsa neft kəməri ilə Qazaxıstan neftinin nəqli imkanlarını müzakirə etməkdə davam edir, bu barədə Qazaxıstan KİV-ləri məlumat verib.
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
Rəy yaz