MDM-də korporativ bazarın 86,5% artımı qeydə alınıb

2013-cü ildə «Milli Depozit Mərkəzi» QSC-də qeydiyyata alınan səhm və korporativ istiqrazların alqı-satqısı üzrə əqdlər ötən illə müqayisədə 86,5% artıb. Amma korporativ QK-ın dövriyyəsinin illik göstəricisi 2011-ci ilədkindən azdır. 

MDM-in məlumatına görə, 2013-cü ildə korporativ QK-ın alqı-satqısı üzrə 1 mlrd 825 mil manatlıq 4693 əqd qeydiyyata alınıb. Əməliyyat həcmi bütün seqmentlər üzrə artıb. 

Ötən illə müqayisədə əqd sayı əsasən birja əqdləri hesabına 2,6% azalıb, deyə MDM-də Turan-a bildiriblər. Əsas səbəb ilkin bazarın 1 mlrd manat daralmasıdır. 

Ötən il korporativ QK-ın təkrar dövriyyəsi üzrə birja əqdlərinin həcmi (3787 əqd) 2,2 dəfə artaraq 835,7 mln manat olub. Birjadankənar dövriyyə bir o qədər artıb və 181 mln manatı keçib. Əgər 2012-ci ildə birjadankənar bağlanan bir əqdin orta həcmi 128 min manat idisə, ötən il 400 min manata çatıb. 

2013-cü ildə qeydiyyatdan keçən QK-ın ilkin yerləşdirilməsi 453 əqd üzrə 808 mln manat olub. Bu, 2012-ci ildən 48% çoxdur.  

MDM depozitar xidmət və qiymətli kağız sahiblərinin reyestrinin aparılması üzrə inhisarçıdır. O, bazarın 99,9%-ə nəzarət edir və 1600 emitentə xidmət edir. 2008-ci ildən MDM illik maliyyə hesabatlarını açıqlamır. Həmçinin xidmət etdiyi şirkətlərin siyahısı da elan edimir. 

Digər depozitar («Koporeyted Trast Eycensi») yalnız Beynəlxalq Banka xidmət edir. 08B