Bakı Fond Birjasının (BFB) rəhbəri yenidən dəyişir. Fevralın 4-də BFB Müşahidə Şurası İclasda BFB İdarə Heyətinin sədri Emin Əliyevin istefasını qəbul edib. E.Əliyev 2011-ci ilin noyabrından İdarə Heyətinin sədri olub.
Müşahidə Şurasının qərarı ilə səhmdarların ümumi yıgıncağı çağırılanadək BFB-nin İdarə Heyəti sədrinin səlahiyyətlərinin icrası Emin Muradova həvalə edilib.
E.Muradov bu təyinatdan əvvəl Qiymətli Kağızlar üzrə Dövlət Komitəsinin tədqiqatlar və bazarın inkişafı şöbəsinə rəhbərlik edib.
Emin Kamran oğlu Muradov 1981-ci ildə anadan olub. Xaricdə üç ali təhsil müəssisəsini bitirib. Əmək fəaliyyətinə 2007-ci ildə bank sistemində başlayıb. 2010-cu ildən QKDK-də çalışıb.
BFB beynəlxalq nümunəli mükəmməl birja meydançası deyil. Burada birja kotirovkaları, birja indeksi və digər ümumqəbulolunmuş birja alətləri yoxdur. Korporativ qiymətli kağızlar üzrə əqdlər kross-əqd xarakteri daşıyır. E.Əliyev bu mənzərəni dəyişməyə cəhd göstərirdi, lakin öhdəsindən gələ bilməyib.
08D
İqtisadiyyat
-
Azərbaycan Prezidenti İlham Əliyev fevralın 11-də "Avtomatlaşdırılmış Qida Təhlükəsizliyi" informasiya sisteminin (AQTS) yaradılmasına dair fərman imzalayıb. Bu addım ölkənin qida təhlükəsizliyi, baytarlıq və fitosanitar nəzarəti sahələrində dövlət idarəetməsinin optimallaşdırılmasını və göstərilən xidmətlərin keyfiyyətinin artırılmasını hədəfləyir.
-
Azərbaycan Respublikasının Prezidenti İlham Əliyev, Azərbaycan və Rusiya hökumətləri arasında "Şimal-Cənub" beynəlxalq nəqliyyat dəhlizində tranzit yük daşımalarının artırılmasına yönəlmiş əməkdaşlıq sazişini təsdiqləyən fərman imzalayıb.
-
Azərbaycanın istehlak qiymətləri 2025-ci ilin yanvar ayında əvvəlki ayla müqayisədə ümumilikdə 2.1% artıb. Dövlət Statistika Komitəsinin son hesabatına görə, ərzaq məhsullarının qiymətləri 2.4% artıb, tərəvəz və meyvələr isə qiymət artımının əsas səbəbləri sırasındadır, müvafiq olaraq 3.7% və 5.6% artıb. Qida olmayan məhsullar və xidmətlərdə isə daha müvazil bir artım müşahidə olunub, qiymətlər 1.1% yüksəlib, nəqliyyat sektoru və mənzil xidmətləri isə kiçik qiymət artımları ilə üzləşib.
-
Fevralın 11-də Azərbaycan Pakistanın şimal-şərqindəki Punjab əyalətində ticarət evi açıb. Bu tədbir, Pakistan mətbuatına görə, "Azərbaycan və Pakistan arasındakı ikitərəfli əlaqələrin möhkəmlənməsi üçün əhəmiyyətli" hesab olunur. Açılış mərasimində Punjab Maliyyə naziri Mian Müctəba Şuca-ür-Rəhman iştirak edib və bu, iqtisadi əməkdaşlıqda mühüm bir addım kimi qiymətləndirilib.
Rəy yaz