Bakı Fond Birjası (BFB) “Ən yaxşı müştəri xidmətləri təşəbbüsü” nominasıyası üzrə mükafata layiq görülüb. Mükafatın təqdimetmə mərasimi Birləşmiş Ərəb Əmirliklərinin Dubay şəhərində olacaq.
Londonda nəşr edilən “İnternational Finance Magazine” jurnalı Listinq Məsləhət Proqramına görə bu mükafatı verib. Proqramın rəsmi təqdimatı bu ayın sonunda Bakıda keçiriləcək. BFB marketinq departamentində Turan-a bildiriblər ki, LMP çərçivəsində potensial şirkətlərin və emitentlərin müəyyən olunub, bu il bir şirkət öz səhmlərini listinqə çıxaracaq.
LMP kapital bazarlarında maliyyələşmə imkanlarının təşviqi, potensial şirkətlərin və emitentlərin müəyyən olunması, onlara əlverişli şərtlərlə uzunmüddətli və ucuz maliyyə resurslarına çıxış istiqamətində peşəkar dəstəyin göstərilməsini hədəfə alıb. İki dildə üç broşür hazırlanıb. Onlarda səhmlərin kütləvi satışının üstünlüyü barədə informasiya verilir.
BFB 2000-ci ildən fəaliyyət göstərir. Hələlik birjanın birinci səviyyə listinqində bir şirkət (“DəmirBank”) var. Bankın səhmləri birjada 22 qəpiyə kotirovka olunur. Onların nominalı 20 qəpikdir. 08D
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz