«BIHE 2016» Beynəlxalq Səhiyyə sərgisind’ 150 şirkət iştirak edəcək

.  19-21 sentyabr tarixində Bakı Ekspo Mərkəzində 22-ci Azərbaycan Beynəlxalq Səhiyyə “BIHE 2016” sərgisi keçiriləcək.

Sərgidə 20 ölkədən 150 şirkət iştirak edir. Sərginin təşkilatçısi olan “Iteca Caspian” şirkətindən Turan-a verilən məlumata görə, bu il “BIHE” iştirakçılarının təxminən 60%-ni xarici şirkətlər təşkil edir.

Yerli distribyutorlar arasında “ARASH Medical”, “Besan”, “BTL Industries”, “Labservis” və digər şirkətlər yer alır.  Debütantlar arasında Azərbaycan, çexiya, belçika, Tunis şirkətləri var. Onlar 30% təşkil edir.

Ümumilikdə, bu il iştirakçılar sərgidə tibb və laboratoriya avadanlıqları, birdəfəlik istifadə materialları, dərman preparatları, tibbi alətlər, eləcə də əczaçılıq avadanlıqları, eləcə də  “açar təhvili” qaydası ilə əczaçılıq zavodları təqdim edəcəklər.

Sərgi “Tibbi turizm” sektorunu fəal şəkildə inkişaf etdirir və bu il sözügedən sektor çərçivəsində xaricdə müalicənin təşkil ilə məşğul olan 20-dən artıq klinika və şirkətin iştirakı planlaşdırılır. Bunların arasında Almaniya, Estoniya, Gürcüstan, İsrail, Latviya və Türkiyənin klinika, sanatoriya və müalicə mərkəzlərinin iştirakı gözlənilir. İkinci ildir ki, dalbadal Bu il “Tibbi turizm” sektoru Türkiyə Turizm Agentlikləri Assosiasiyası (TURSAB) tərəfindən dəstəklənir.

“BIHE” sərgisi ilə paralel daha iki tədbir - 11-ci Azərbaycan Beynəlxalq “Stomatologiya” “Stomatology Azerbaijan 2016” və 10-cu Yubiley Azərbaycan Beynəlxalq Gözəllik və Estetik Tibb “Beauty Azerbaijan 2016” sərgiləri keçiriləcək. 08D