İranın Azərbaycana bu yaxınlarda təyin edilmiş səfiri Cavad Cahangirzadə iki ölkə arasında iqtisadi əlaqələri siyasi münasibətlər səviyyəsinə qədər gücləndirməyə çağırıb.
Bu barədə o, çəşənbə günü Ərdəbil qubernatoru Məcid Xodabəxşlə görüşdə bildirib, xəbəri İRNA agentliyi yayıb.
Səfir deyib ki, iki ölkə arasında siyasi əlaqələr son 3 ildə xeyli yaxşılaşıb, amma iqtisadi əməkdaşlıq siyasi əməkdaşlıqdan geri qalır.
Onun sözlərinə görə, İranın Şərqi və Qərbi Azərbaycan, Gilan və Ərdəbil əyalətlərinin Azərbaycan respublikası ilə daha geniş iqtisadi əlaqələri var.
Hər il Azərbaycandan İrana gələn turistlərin sayı 1 mln. nəfər təşkil edir (turistlərin ümumi sayının təxminən 20%-i).
Ərdəbil qubernatoru, öz növbəsində, son illər Biləsuvar sərhəd terminalının açıldığını, bunun sərhəddən yük və insanların hərəkətini asanlaşdırmağa imkan verdiyini qeyd edib.
Xodabəxş Bakını qarşılıqlı əməkdaşlıq yolunda Azərbaycanın İran mallarına tətbiq etdiyi preferensial tariflər kimi maneələri aradan qaldırmağa çağırıb. -02D-
Siyasət
-
Paşinyan və Putin razılaşıblar ki, 2025-ci il yanvarın 1-dən Ermənistan və İran arasında keçid məntəqəsi yalnız erməni sərhədçiləri tərəfindən qorunacaq. Bu barədə oktyabrın 8-də Rusiya prezidenti Vladimir Putin və Ermənistanın baş naziri Nikol Paşinyan arasında görüş zamanı razılıq əldə olunub, bunu Paşınyanın mətbuat katibi Nazeli Bağdasaryan bildirib.
-
Dövlət Departamentinin sözçüsü çərşənbə axşamı TURANın Vaşinqton müxbirinə rəsmi Bakının ABŞ və Qərbi düşməni kimi qələmə verməsi ilə bağlı sualına cavabında deyib: "Birləşmiş Ştatlar Azərbaycanla ikitərəfli münasibətlərini yüksək qiymətləndirir".
-
Azərbaycanın Laçın şəhəri 2025-ci ildə MDB-nin mədəniyyət paytaxtı olacaq, daha sonra estafet erməni Mehrisinə, ondan sonra isə Belarusun Molodeçno şəhərinə keçəcək. Bunu Rusiya prezidenti Vladimir Putin çərşənbə axşamı Moskvada MDB sammitində deyib.
-
Bugünkü təkbətək görüşlərdə Rusiya prezidenti Vladimir Putin İlham əliyev və Nikol Paşyanla yarım saata yaxın söhbət edib. Bu barədə jurnalistlərə Rusiya prezidentinin mətbuat katibi Dmitri Peskov bildirib.
Rəy yaz