Bir çox banklar hələ də dollar və avro satmır
Azərbaycan Dövlət Neft Fondu və Mərkəzi Bankı sentyabrın 8-də valyuta hərracında 300 mln. dollar satsa da, kommersiya banklarından dollar almaq asanlaşmayıb və xarici valyuta defisiti davam edir.
Turan-ın məlumatına görə, sentyabrın 9-da bir çox banklar dollar satışını bərpa etməyiblər.
Belə ki, "Respublika", "Standart", "Rabitə", "Pashabank", "Dəmirbank" banklarından, habelə Beynəlxalq Bankdan bildiriblər ki, xarici valyuta satmırlar. "Unibank"dan bir nəfərə 100 dollar satıldığını bildiriblər, "Atabank"dan isə limitin hər bir filialda olan nağd pul həcmindən asılı olduğunu deyiblər.
Yalnız "Kapitalbank"dan dollar satışında heç bir məhdudiyyət olmadığını bildiriblər.
Qeyd etmək lazımdır ki, sentyabrın 8-də bazara böyük məbləğdə dollar çıxarılması kommersiya banklarının vətəndaşlardan valyuta alışı məzənnəsinin azalmasına səbəb olub. Belə ki, banklar əhalidən bir dolların alış qiymətini 1.68-1.70 manatdan 1.64 manata endirib.
Qeyd edək ki, Mərkəzi Bank sentyabrın 9-na valyutanın rəsmi məzənnəsini 1USD/1,6403 AZN səviyyəsində müəyyən edib. –71B-
-
- Söz istəyirəm
- 9 Sentyabr 2016 13:08
-
- İqtisadiyyat
- 9 Sentyabr 2016 13:30
İqtisadiyyat
-
BP, SOCAR Green (SOCAR-ın törəmə şirkəti) və Azərbaycan İnvestisiya Şirkəti (AIC) ilə Azərbaycanın Cəbrayıl rayonunda 240 MVt gücündə günəş elektrik stansiyasının tikintisi üçün birgə müəssisənin yaradılması barədə səhmdar sazişi imzalayıb, şirkət bazar ertəsi açıqlayıb.
-
Azərbaycan Dövlət Neft Şirkəti (SOCAR) və rus enerji nəhəngi Gazprom, energetika sektorunda strateji tərəfdaşlığını gücləndirmək üçün növbəti addımları müzakirə edirlər, SOCAR bu barədə Bazar ertəsi günü sosial şəbəkələrdə elan etdi.
-
Azərbaycan, dünyada öz neft sərvəti ilə tanınan bir ölkə olaraq, neft və qaz sektorunun ümumi ixracatda ən azı 90% paya sahib olmasını müşahidə edib. Bu sektor ölkənin ÜDM-inə, xarici investisiyalara və fiskal sabitliyə mühüm təsir göstərmişdir. Bu resurslar milli valyutanın sabitləşməsinə və siyasi, sosial sabitliyin təmin olunmasına kömək etmişdir. Lakin, neft hasilatının 2011-ci ildən bəri tədricən azalması ilə əlaqədar ölkə, post-neft dövrünə keçid mərhələsində artan iqtisadi problemlərlə üz-üzədir, deyə iqtisadçı Qubad İbadoğlu bildirir.
-
Azərbaycanda əməkhaqqının aylıq əvəzinə saatlıq hesablanması nəzərdə tutulur. Eyni zamanda, rəsmilərin açıqlamasına görə, növbəti il maaşların artması gözlənilir. Hələlik, əmək haqlarının nə qədər artacağı ilə bağlı rəsmi məlumat yoxdur. Ekspertlər isə deyir ki, Azərbaycanda saatlıq əməkhaqqına keçid çox çətin görünür və sui-istifadə hallarına gətirib çıxara bilər.
Rəy yaz