Maliyyə Bazarlarına Nəzarət Palatası «Nikoil Bank"ın 4 filialını ba]layıb
Maliyyə Bazarlarına Nəzarət Palatası (MBNP) Direktorlar Şurasının qərarı ilə “Nikoil Bank" ASC-nin 4 filialının fəaliyyətinə xitam verib.
Turan-ın məlumatına görə, icazələrin ləğv olunmasına səbəb sözügedən filiallarda Palata tərəfindən müəyyən edilmiş sağlam kreditləşmə normalarına riayət edilməməsi, kassa əməliyyatlarında qanun pozuntusuna yol verilməsi, habelə uçotun təhrif edilməsidir.
«Bundan əlavə, yerində baxış zamanı Bankın filiallarında olan mübadilə kassalarındakı faktiki qalığın balans məlumatından kənarlaşması müəyyən edilib. Belə ki, Palata tərəfindən aparılmış kassa yoxlamaları zamanı filialların kassalarında xarici valyutanın mövcud olmasına baxmayaraq, satış əməliyyatı aparılmayıb»,- deyə məlumatda bildirilir.
Həmçinin sağlam kreditləşmə tələbləri gözlənilməyib, borcalanın aylıq borc yükünün onun gəlirinə nisbəti əmsalı pozulub.
Palata, xarici valyuta ilə istehlak kreditlərinin verilməsinin 5 aprel 2016-cı il tarixindən bir ay müddətinə qadağan etməsinə baxmayaraq, xarici valyutada istehlak kreditlərinin verilməsi faktları aşkarlanıb.
İnformasiyanı Turan-a şərh edən bankın marketinq departamentinin direktoru Rəşad Cümşüdov deyib ki, Palatanın bütün qərarlarına tezliklə əməl ediləcək.
«Biz xərclərin optimallaşdırılmasını planlaşdırmışıq, bu, bir sıra filialların birləşdirilməsi və bağlanmasını nəzərdə tuturdu», - deyə o bildirib.
Cümşüdov əlavə edib ki, bank press-reliz buraxacaq, orda bağlanan filialların müştərilərinin hara müraciət edəcəyi açıqlanacaq.
«Bank fəaliyyətini davam etdirəcək, təşviş üçün əsas yoxdur. Böhrandan çıxmaq üçün işlər görürük»,- deyə o bildirib. –71D-
-
- İqtisadiyyat
- 9 Sentyabr 2016 13:29
-
- Siyasət
- 9 Sentyabr 2016 13:38
İqtisadiyyat
-
BP, SOCAR Green (SOCAR-ın törəmə şirkəti) və Azərbaycan İnvestisiya Şirkəti (AIC) ilə Azərbaycanın Cəbrayıl rayonunda 240 MVt gücündə günəş elektrik stansiyasının tikintisi üçün birgə müəssisənin yaradılması barədə səhmdar sazişi imzalayıb, şirkət bazar ertəsi açıqlayıb.
-
Azərbaycan Dövlət Neft Şirkəti (SOCAR) və rus enerji nəhəngi Gazprom, energetika sektorunda strateji tərəfdaşlığını gücləndirmək üçün növbəti addımları müzakirə edirlər, SOCAR bu barədə Bazar ertəsi günü sosial şəbəkələrdə elan etdi.
-
Azərbaycan, dünyada öz neft sərvəti ilə tanınan bir ölkə olaraq, neft və qaz sektorunun ümumi ixracatda ən azı 90% paya sahib olmasını müşahidə edib. Bu sektor ölkənin ÜDM-inə, xarici investisiyalara və fiskal sabitliyə mühüm təsir göstərmişdir. Bu resurslar milli valyutanın sabitləşməsinə və siyasi, sosial sabitliyin təmin olunmasına kömək etmişdir. Lakin, neft hasilatının 2011-ci ildən bəri tədricən azalması ilə əlaqədar ölkə, post-neft dövrünə keçid mərhələsində artan iqtisadi problemlərlə üz-üzədir, deyə iqtisadçı Qubad İbadoğlu bildirir.
-
Azərbaycanda əməkhaqqının aylıq əvəzinə saatlıq hesablanması nəzərdə tutulur. Eyni zamanda, rəsmilərin açıqlamasına görə, növbəti il maaşların artması gözlənilir. Hələlik, əmək haqlarının nə qədər artacağı ilə bağlı rəsmi məlumat yoxdur. Ekspertlər isə deyir ki, Azərbaycanda saatlıq əməkhaqqına keçid çox çətin görünür və sui-istifadə hallarına gətirib çıxara bilər.
Rəy yaz