Müxalifət qüvvələrinin geniş spektri Milli Şuranın mitinqini dəstəkləyib
Müxalifət qüvvələrinin geniş spektrinin nümayəndələri Demokratik Qüvvələrin Milli Şurasının (DQMŞ) 11 sentyabr mitinqində iştirak etmək niyyətindədir.
Xüsusən, NİDA hərəkatı özbaşınalığa, “ailə hakimiyyətinin möhkəmlənməsinə”, siyasi repressiyalara etiraz mitinqində iştirak etmək qərarını elan edib.
Müsavat Partiyasının İdarə Heyəti hələ bazar ertəsi Azərbaycanda avtoritarizmin güclənməsinə qarşı bütün tədbirlərdə iştirak etməyi qərara alıb, deyə partiyanın aparat rəhbəri Gülağa Aslanlı Turan-a bildirib.
Partiya Milli Şuranın mitinqinin şüarlarını və məqsədini təqdir edib və Müsavat üzvlərinin bu aksiyada iştirakını məqsədəuyğun hesab edib, deyə o əlavə edib.
D-18 hərəkatı da DQMŞ və Müsavat Partiyası tərəfindən təşkil olunan 11 və 18 sentyabr mitinqlərində iştirak edəcəyini bildirib.
Liberal-Demokrat Partiyası da mitinqdə iştirak etməyi qərara alıb.
ReAl hərəkatının İdarə heyətinin üzvü Azər Qasımlı Turan-ın müxbirinə bildirib ki, hərəkat üzvləri aksiyada iştirak haqqında şəxsən qərar qəbul etməkdə azaddırlar.
Azərbaycan Klassik Xalq Cəbhəsi Partiyası da bu mövqeyi tutur.
“Biz partiya olaraq təşkil etmədiyimiz mitinqlərdə iştirak etmirik, amma partiya üzvləri 11 sentyabr mitinqində iştirak etməkdə azaddırlar”, deyə AKXCP lideri Mirmahmud Mirəlioğlu Turan-a bildirib.
Digər siyasi və ictimai qüvvələrin də mitinqdə iştiraklarını bəyan edəcəyi istisna deyil.
11 sentyabr mitinqi DQMŞ tərəfindən Konstitusiyaya düzəlişlər haqqında sentyabrın 26-na təyin edilmiş referenduma etiraz əlaməti olaraq “Monarxiyaya yox, talana son!” şüarı ilə keçirilir. -06D-
-
- İqtisadiyyat
- 9 Sentyabr 2016 13:30
-
- İqtisadiyyat
- 9 Sentyabr 2016 13:56
Siyasət
-
Dövlət başçısının sərəncamı ilə Tofiq Həsənov ədliyyə general-mayoru rütbəsindən və "Vətən uğrunda" medalından məhrum edilib.
-
Yerevan sülh sazişinin razılaşdırılmış hissəsinin imzalanması ilə bağlı Bakının siyasi iradəsini görmür və "Qərbi Azərbaycan" haqqında söhbətlər Ermənistana qarşı ərazi iddiaları təəssüratı yaradır. Bu barədə çərşənbə günü xarici işlər naziri Ararat Mirzoyan Varşava Təhlükəsizlik Forumunda çıxış edərkən bildirib.
-
Təəssüf ki, Azərbaycan və Avropa Şurası arasında əməkdaşlıq dalana dirənib. Bu barədə çərşənbə günü Avropa Şurası Nazirlər Komitəsinin hazırkı sədri, Litvanın xarici işlər naziri Qabrielius Landsbergis Strasburqda Avropa Şurası Parlament Assambleyasının sessiyasında çıxışı zamanı bildirib.
-
Azərbaycanın “Azel” TV saytının təsisçisi Əfqan Sadıqov 12 gündür Gürcüstanda istintaq təcridxanasında aclıq edir. O, Azərbaycana ekstradisiya prosesinin dayandırılmasını və əsassız cinayət təqibinə xitan verilməsini tələb edir.
Rəy yaz