Nazirlər Kabineti 13 noyabrda (№327) bir sıra malların idxal vergisi və idxal ƏDV-dən azad edilməsi barədə qərar qəbul edib. Qərar kənd təsərrüfatı və aqrar-sənaye kompleksinə kömək məqsədi daşıyır.
2011-ci ilin yanvarında hökumət №17 qərarla 1 martdan 3 il müddətinə bir sıra malları idxal rüsumu və idxal ƏDV-dən azad etmişdi. İndi hökumət müddəti 3 il də uzadıb.
Xatırladaq ki, idxal rüsumu və idxal ƏDV-dən cins iribuynuzlu mal-qara, cins keçi və davar, 185 q-dan ağır olmayan toyuq, soya və paxla toxumu azad edilmişdi. İdxal rüsumundan həmçinin günəbaxan, şəkər çuğunduru, bir sıra yem bitkilərinin toxumu, gübrələr, kənd təsərrüfatında istifadə edilən kimyəvi preparatlar azad olunmuşdu.
Buraya kənd təsərrüfatı məhsullarının quruducuları, süd separatorları, su doldurulması, ərzaq istehsalı üçün istifadə edilən butulkaların yuyulması və qurudulması avadanlıqları, ərzaq istehsalında istifadə edilən avadanlıqların ehtiyat hissəsləri daxil olunub.
Hökumət kənd təsərrüfatı və aqrar-sənaye kompleksinə kömək məqsədi daşıyan sənədin səmərəsi barədə informasiya vermir. Hökumət ərzaq təhlükəsizliyi üçün kənd təsərrüfatı məhsullarının və onların emalının maksimuma çatdırılmasını və ixrac potensialının artırılmasını planlaşdırır. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz