![Büdcə təşkilatları kommunal xidmətdən istifadəni artırıb](https://turan.az/resized/750/500/resize/media/2013/main/112000058174.jpg)
Büdcə təşkilatları kommunal xidmətdən istifadəni artırıb
Bu il dövlətin kommunal və kommunikasiya xidmətlərinə xərcləri 346,8 mln manat olub. Bu, 2012-ci ilin eyni dövründəkindən 4,8% çoxdur. Dövlətstatkoma görə, xərclərin 70%-i elektrik enerjisinin payına düşür.
Bu ilin 9 ayında büdcə təşkilatları 1349,0 milyon kVt.saat elektrik enerjisi istehlak edib. Bu, 2012-ci ilin eyni dövründəkindən 2,4% çoxdur. Pul ifadəsində elektrik enerjisi istehlakı 80,9 mln manat olub. İlin sonu üçün bu məbləğ 160 mln manata çatacaq. 2012-ci ildə bu göstərici 158,8 mln manat. 9 ayda dövlət büdcəsi elektrik enerjisi istehlakçılarının xidmətini 6,3 mln manat kəsirlə ödəyib.
Üç rübdə büdcə strukturları 7,6 mln manatlıq 76,2 mln m3 qaz (- 4,5%) işlədib. Maliyyə Nazirliyi 6,6 mln manat ödəniş edib. 2012-ci ildə qaz istehlakı qiymət ifadəsində 25,1 mln manat olub, bu il 29 889,8 min manat təşkil edəcək.
Büdcə təşkilatları bu dövrdə su istehlakını 7,8% artırıb. Bu həcm 16,7 mln manat qiymətində 18 mln m3 təşkil edib. Bu il hökumət büdcəyə bu məqsədlə 34 468 min manat qoyub. Bu, 2012-ci ilin eyni dövründəkindən 2,9% çoxdur.
Büdcə təşkilatları 9 ayda 105,1 min qkal istilik ennerjisindən istifadə edib. Bu, 2012-ci ilin eyni dövründəkindən 0,9% çoxdur. Qiymət ifadəsində bu, 2,9 mln manatdır. Hökumətin proqnozuna görə, ilin sonu üçün bu göstərici 23 mln manatı keçəcək. Bu, 2012-ci ilin eyni dövründəkindən 13,4% çoxdur.
MM-in təsdiq etdiyi 2014-cü il üzrə büdcə layihəsinə əsasən, dövlətin kommunal və kommunikasiya xidmətlərinə xərcləri 641 mln manat olacaq. Bu isə bu ilkindən 84,8% çoxdur. Elektrik enerjisi xərcləri 200,4 mln manat (+25,5%), təbii qaz 35,5 mln manat (+18,9%), istilik enerjisi 27,7 mln manat (+20,3%), su 43,6 mln manat (26,7%), kanalizasiya xərcləri 13,1 mln manat (+67,3%) və s. olacaq. 08B
-
- İqtisadiyyat
- 20 Noyabr 2013 11:48
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz