BP-Azerbaijan şirkəti 422 əməkdaşı ixtisa edəcək və 2015-ci ildə neftçilərin əmək haqlarını artırmayacaq
BP-Azerbaijan bu rübün sonuna kimi 422 əməkdaşı ixtisar edəcək. Bu barədə Turan-a şirkətin törəməsindəki məlumatlı mənbə bildirib.
İndiyəcən 255 əməkdaş ixtisar olunub. Bunun 105-i Azərbaycan vətəndaşıdır.
Mənbə bildirib ki, BP-Azerbaijan təkcə ofis işçilərini ixtisar etmir. 100 nəfər hasilat və nəqliyyatda işləyir.
“Bunlar niyə ixtisar olunur?” sualına cavab olaraq bildirilib ki, «İşçilərin sayı neftin barrelinin 50-60 dollar səviyyəsində sərf etmir».
Turan Agentliyi həmçinin müəyyən edib ki, BP-Azerbaijan ötən il “Şahdəniz 2”nin genişləndirilməsi ilə bağlı 2015-ci ildə 110 yeni işçi götürməyi planlaşdırıbmış. Amma bu, təxirə salınıb. Şirkət Landmark biznes mərkəzində iki mərtəbəni də boşaldıb. BP-Azerbaijan baş ofisinin yerləşdiyi PortBaku biznes mərkəzində də bir mərtəbədən imtina edib.
2014-cü ilin dekabrında BP Groupun rəhbəri Robert Dadli bildirmişdi ki, neftin ucuzlaşması ilə bağlı dünyanın bir çox yerlərində ixtisarlar olacaq. Bu yaxınlarda ВР bəyan edib ki, cari ildə əməkdaşların maaş artımını donduracaq. –12В--
İqtisadiyyat
-
İyulun 26-da müstəqil maliyyə nəzarəti sahəsində qabaqcıl qlobal təcrübənin öyrənilməsi və onların Azərbaycanda tətbiqinin genişləndirilməsi məqsədilə Azərbaycan Respublikasının Auditorlar Palatası ilə “Reanda International Network Limited” şirkəti arasında işgüzar görüş keçirilib. Auditorlar Palatasının yaydığı məlumata görə, bu təşəbbüs Azərbaycan Prezidentinin proqram xarakterli tapşırıqlarına uyğundur.
-
İyunda başa çatan 12 ay ərzində Azərbaycanda inflyasiya 1,1%, baza inflyasiyası isə 0,8% təşkil edib. İllik ərzaq inflyasiyası 0,2%, qeyri-ərzaq inflyasiyası 1%, xidmətlər üzrə inflyasiya 2,4% təşkil edib. Bu barədə bazar ertəsi keçirilən mətbuat konfransında Azərbaycan Mərkəzi Bankının (AMB) sədri Taleh Kazımov bildirib.
-
Azərbaycan Dövlət Neft Şirkəti (ARDNŞ) və İtaliyanın Eni SpA şirkəti arasında enerji keçidinə dair Anlaşma Memorandumu imzalanıb. Bu barədə Azərbaycanın İqtisadiyyat naziri Mikayıl Cabbarov “X” sosial şəbəkəsindəki hesabında məlumat verib.
-
Azərbaycanın iqtisadiyyat naziri Mikayıl Cabbarov iyulun 29-da Türkiyənin “Kibar Holding” konqlomeratının sədri Ali Kibar ilə görüşüb. Görüş zamanı ikitərəfli əməkdaşlığın gücləndirilməsi, sənaye istehsalına investisiyaların artırılması və enerji sektorunda tərəfdaşlıqların dəstəklənməsi məsələləri müzakirə edilib.
Rəy yaz