Sabah saat 12 00-da Layihələrin İdarə Edilməsi Azərbaycan Assosiasiyasında (Azərbaycan Texniki Universiteti yanında Layihələrin idarə edilməsi və innovasiyaları Mərkəzi)
"Layihələrin idarə edilməsi ofisi: dəb yoxsa zərurət” mövzusunda layihə menecerlərinin görüşü (PM Club) keçirləcək.
Tədbirdə məqsəd AzPMA beynəlxalq standartlar üzrə layihələrin hazırlanmasında həmkarlar ilə təcrübə mübadiləsidir.
Görüşün məruzəçisi AzPMA-nın təlimçisi və böyük bankın layihələrin idarə edilməsi ofisinin rəhbəri, IPMA level «C» üzrə sertifikatlaşdırılmış layihə meneceri Fərid Nadirovdur. PM Club-da layihə yanaşması, nəticə yönümlülük haqda, eləcə də layihə yanaşmasının həyata keçirilməsi əsasında təşkilatın hansı üstünlüyü əldə etməsi və qarşıya qoyulan məqsədləri necə həyata keçirilməsi haqda söhbət açılacaq. Həmçinin layihə ofisinin yaradılmasının səmərəliliyi, layihə komandasının təşkili və şirkətin daxili prosedruları kimi suallara toxunulacaq.
Dəyirmi masa rus dilində keçiriləcək. İştirak pulsuzdur. Ünvan: H.Cavid prospekti 25, Azərbaycan Texniki Universiteti, 3-cü mərtəbə, Layihələrin idarə edilməsi və innovasiyaları Mərkəzi, otaq 321 --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz