BP şirkəti Azərbaycanda builki fəaliyyətini uğurlu sayır. BP-Azerbaijan prezidenti Qordon Birrel jurnalistlərə belə deyib.
Onun sözlərinə görə, əmək mühafizəsi, əməliyyatların təhlükəsizliyi, ətraf mühitin mühafizəsi, məşəllərdə qaz yandırılması və lay sularının idarə edilməsində uğurlu fəaliyyətləri olub.
"Hasilat nəticələrindən də razıyıq. İlin sonu yaxınlaşdıqca əmin oluruq ki, plan artıqlaması ilə yerinə yetiriləcək",- deyə Birrel qeyd edib. Amma o, dəqiq rəqəm deməyib.
Turan informasiyalı mənbələrdən öyrənib ki, BP-Azerbaijan-ın proqnozuna görə, 2014-cü ilin sonu üçün AÇG çərçivəsində orta sutkalıq neft hasilatı həcmi 620 min barrel olacaq, amma şirkət bu göstəricinin 630 min barrel olacağına inanır.
ВР şirkəti Azərbaycanda neft hasilatı üzrə AÇG layihəsinin, qaz hasilatı üzrə “Şahdəniz” layihəsinin, kəşfiyyat üzrə “Şəfəq” və “Asiman” yataqlarının, həmçinin BTC, Bakı-Supsa neft, Cənubi Qafqaz qaz kəməri layihəsinin operatorudur. –12В—
İqtisadiyyat
-
Azərbaycan Prezidenti İlham Əliyev bazar ertəsi günü sosial rifahın yaxşılaşdırılmasına yönəlmiş sərəncam imzalayıb. Sərəncama əsasən, ölkədə minimum aylıq əməkhaqqı 1 yanvar 2025-ci ildən etibarən 400 manat (235 ABŞ dolları) müəyyən edilib.
-
Türkiyə şirkətləri YDA və ASFAT Qazaxıstanın Kurık limanı yaxınlığında gəmiqayırma zavodu tikməyi planlaşdırır. Bu təşəbbüs Qazaxıstanın daxili donanma çatışmazlığını həll etmək məqsədini daşıyır. Qazaxıstanın Nəqliyyat Naziri Marat Karabayev bu barədə bazar ertəsi parlament sessiyasında məlumat verib. Layihə, Qazaxıstanın dəniz imkanlarını və logistika infrastrukturunu gücləndirmək ambisiyalarını vurğulayır.
-
Qazaxıstanın Nəqliyyat Naziri Marat Karabayev ölkənin Avrasiyada aparıcı nəqliyyat və logistika mərkəzinə çevrilməsi üçün cəsarətli yol xəritəsini təqdim etdi. Bazar ertəsi parlamentdə çıxış edən Karabayev, Şərq-Qərb və Şimal-Cənub dəhlizləri arasında illik 1 trilyon dollarlıq yük axınından pay almaq strategiyalarını ətraflı izah etdi.
-
ASCO-ya məxsus təmir olunmuş “Şahdağ” bərəsi Azərbaycan-Kazaxıstan marşrutu üzrə fəaliyyətini bərpa edərək Xəzər dənizinin hər iki tərəfindəki limanlarda yük maşınlarının sıxlığını azaltmağı hədəfləyir.
Rəy yaz