Bütün kreditlərin 84%-i Bakıda cəmləşib

Bakıda banklar tərəfindən kredit götürənlərə inam daha çoxdur. Azərbaycan Mərkəzi Bankının məlumatında deyilir ki, birinci rübdə paytaxt sakinlərinə verilən kommersiya və sahibkarlıq kreditlərinin həcmi ümumi portfelin  83,6%-ni təşkil edir. Rəqəmlərlə bu 17 mlrd. 250 mln 680,3 min manat (ilin əvvəli üçün +12%) təşkil edir.

Paytaxt sakinlərinə verilən müddəti keçmiş kreditlərin həcmi aprelin 1-i üçün 982 mln. 228 min manat və ya Bakıda verilən bütün kreditlərin 5,7%-ni tşkil edib.  Yeri gəlmişkən, ən aşağı kredit dərəcəsi Bakıdadır – illik 12%, ölkə üzrə orta hədd illik 13,2% təşkil edir.

İndiyədək milli valyuta ilə kreditlər üzrə dərəcə xarici valyutada olduğundan yüksək olub (11,6%-ə qarşı 12,4%). Bu səbəbdən fərq azdır – manatla verilən kreditlərin həcmi 9 mlrd. 753 mln. 222,5 min manat (əsasən istehlak kreditləri və iri sabiubkarlara verilən kreditlər), dollar və avro ilə 7 mlrd. 497 mln. 457,8 min manat təşkil edir.

Regionlara gəlincə, aprelin 1-i üçün bank kreditləşməsinin həcmi 3 mlrd. 381 mln. 645,8 min manat (ilin əvvəlindən +7,5%) səviyyəsində olub. Aran iqtisadi rayonunda 837 mln. 289,9 min manat (orta illik dərəcə 23,5%), Gəncə-Qazax iqtisadi rayonu - 743 mln. 662,7 min manat (10%), Abşeron iqtisadi rayonu- 657 mln. 334 min manat (19,6%) və Lənkəran iqtisadi rayonu - 304 mln. 46,8 min manat (24,1%) təşkil edib. Digər rayonların göstəriciləri aşağıdır. --17D—