![BVF Azərbaycan hökuməti ilə məsləhətləşmələri davam etdirəcək](https://turan.az/resized/media/2017/main/030600184944-750-500-resize.webp)
BVF Azərbaycan hökuməti ilə məsləhətləşmələri davam etdirəcək
Beynəlxalq Valyuta Fondunun (BVF) nümayəndə heyətinin Azərbaycana səfəri başa çatıb. Fond ölkədə makroiqtisadi sabitliyi və maliyyə sabitliyini. iqtisadi və maliyyə böhranının mənfi nəticələrinin aradan qaldırılması üzrə hökumətin siyasətini və ehtiyaclarını öyrənib.
Beynəlxalq Valyuta Fondunun Azərbaycan üzrə missiyasının rəhbəri Məhəmməd Əl Qorçinin rəhbərlik etdiyi nümayəndə heyəti hökumət üzvləri, martın 3-də isə maliyyə naziri Samir Şərifovla görüşüb.
BVF nümayəndələrinə fiskal yığcamlaşdırma və pul-kredit siyasətinin sərtləşdirilməsi, habelə Azərbaycanın bank sektorunun sağlamlaşdırılması istiqamətində həyata keçirilməkdə olan tədbirlərə dair ətraflı məlumat verilib, deyə Maliyyə Nazirliyinin mətbuat xidməti bildirir.
BVF nümayəndəsi büdcə-vergi sahəsində həyata keçirilən iqtisadi islahatların, eləcə də ölkənin bank sektorunun ən qısa zamanda sağlamlaşdırılmasına yönələn addımların vacibliyini vurğulayıb.
Tərəflər pul-məzənnə siyasətinin təkmilləşdirilməsi üzrə Azərbaycan Mərkəzi Bankına və ortamüddətli büdcə planlaşdırması və makro-fiskal çərçivənin formalaşdırılması üzrə Maliyyə Nazirliyinə texniki yardımıla bağlı əməkdaşlıq perspektivlərini müzakirə edib.
BVF-nin məsləhətləşmələr missiyasının növbəti səfərinin bu ilin noyabr ayında həyata keçiriləcək. 08D
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz