Cənubi Qafqazın «barıt çəlləyi» daha beş il fəaliyyət göstərəcək

 Cənubi Qafqazın daha 5 il «barıt çəlləyi» üzərində oturacaq. Ermənistan ictimai xidmətin tənzimlənməsi komissiyası "Ermənistan Atom Elektrik Stansiyası" QSC-nin lisenziyasını 10 iyun 2019-cu ilə kimi uzadıb. Rusiya tərəfinin maliyyələşdirməsi məsələsi isə təsdiq edilməyib.

RF KİV-nin məlumatına görə, iki blokdan biri ildə 2,2 mlrd kVt.s elektrik enerjisi istehsal edir.

Ermənistan hökuməti bu ilin martında AES-in blokunun istismar müddətini 2016-cı ilə kimi uzadıb.Ötən ilin sentybarında RF prezidenti Putin Ermənistan prezidenti ilə görüşündə deyib ki, AES-in enerji blokunun istismarı 10 il uzadıla bilər, Rusiya $300 mln vəsait cəlb etməlidir.

Ermənistan Atom Elektrik Stansiyasına lisenziya 30 illiyə - 1 sentyabr 2016-cı ilə kimi verilib. 2010-cu ildə hər iki tərəf 1060 MVt gücündə yeni blok tikintisi barədə razılığa gəlib. Amma vəsait olmadığı üçün iş getmir.

AES 1980-ci ildə işə salınıb, 1988-ci ildə zəlzələ ilə bağlı fəaliyyəti dayandırılıb. İki enerji bloku ilk nəsil ВВЭР-440 Rusiya reaktoru ilə təmin edilib. Birinci blokun işi dayandırılıb, 407,5 MVT gücündə 2-ci blok ölkənin enerji ehtiyacının 40%-i ödəyir.

Avropa İttifaqı AES-in bağlanmasını tələb edir. Bunun üçün 200 mln avro ayırmağa hazırdır. Ermənistan tərəfi hesab edir ki, $5 mlrd qiymətində yeni AES tikilməlidir. --17D—