![G7-nin Rusiyadan 4 tələbi](https://turan.az/resized/750/500/resize/media/2014/main/060500080642.jpg)
Dünyanın yeddi aparıcı ölkəsinin (G7) dövlət və hökumət başçıları iyunun 4-də Brüsseldə toplaşaraq Rusiyanın Ukraynanın suverenliyini və ərazi bütövlüyünü posmasını yekdilliklə pisləyib.
“Krımın Rusiya tərəfindən qanunsuz anneksiyası və Ukraynanın şərqində sabitliyin pozulması ilə bağlı hərəkətləri qəbuledilməzdir və buna son qoyulmalıdır”, - dpa agentliyi G7-nin birgə bəyanatından sitat gətirib.
“Böyük yeddilik” ölkələrinin liderləri Ukrayna böhranının aradan qaldırılması üçün inam tədbirlərinin həyata keçirilməsini tələb ediblər, əks halda sanksiyaların sərtləşdiriləcəyini bildiriblər. “Əgər vəziyyət tələb edərsə biz ünvanlı sanksiyaları gücləndirməyə və əlavə məhdudiyyətlər qoymağa hazırıq”, - sammitin yekun sənədində deyilir.
Sammit iştirakçıları Moskvadan 4 şərtin yerinə yetirilməsini tələb ediblər:
- Mayın 25-də Ukraynada keçirilmiş prezident seçkilərinin nəticələrini tanımaq və yeni seçilmiş prezident Pyotr Poroşenko ilə əməkdaşlıq etmək;
- Ukraynanın şərqinə silah və yaraqlı axınına son qoyma;
- Rusiya-Ukrayna sərhədindən qoşunların tam geri çəkmək;
- qaz nəqlinə zəmanət vermək.
Almaniyanın federal kansleri Angela Merkel sammitin qərarını şərh edərkən deyib ki, Rusiyanın imtina etməsi üçüncü səviyyəli iqtisadi sanksiyaların tətbiqinə səbəb ola bilər. O qeyd edib ki, yeni sanksiyaların tətbiqi razılaşdırılmış qaydada olmalıdır.
“Böyük yeddilik” ölkələrinin liderləri Ukraynaya maliyyə yardımının göstərilməsi üçün donor ölkələrin konfransının təşkili ideyasını dəstəkləyiblər. Eyni zamanda G7 Kiyevi konstitusion islahatların aparılmasının sürətləndirilməsinə, ölkənin bütün regionlarında yaşayan vətəndaşlarının hüquqlarına əməl olunmasına, şərq vilayətlərinin rusdilli əhalisinin nümayəndələri ilə dialoqun qurulmasına çağırıb.
Sammitdə həmçinin Ukrayna üzrə beynəlxalq konfransın keçirilməsi ilə bağlı Aİ-nin planı təqdir edilib. -02D-
-
- İqtisadiyyat
- 5 İyun 2014 12:53
-
- İqtisadiyyat
- 5 İyun 2014 13:24
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz