Azərbaycan Respublikası prezidenti İlham Əliyev fevralın 11-də “Azərbaycan Respublikasında heyvandarlığın inkişafı ilə bağlı əlavə tədbirlər haqqında” sərəncam verib. Ona əsasən, damazlıq işinin səviyyəsini yüksəltmək məqsədi ilə prezidentin ehtiyat fondundan “Aqrolizinq” Açıq Səhmdar Cəmiyyətinə 10,0 milyon manat ayrılıb.
Sərəncam əhalinin ət və süd məhsullarına tələbatını daha dolğun ödəmək, heyvandarlıq məhsulları istehsalını intensiv inkişaf etdirmək və damazlıq işinin səviyyəsini yüksəltmək üçün verilib, deyə sənəddə bildirilir.
Əvvəllər qəbul edilən normativ aktlara əsasən, dövlət büdcəsi hesabına alınan mal-qara fiziki və hüquqi şəxslərə qiymətinin 50%-ə uzunmüddətli lizinqə verilir.
Sahibkarlığa Kömək Milli Fondunun məlumatına görə, hazırda Bərdə, Salyan və Ağdaşda 5200 başlıq iri heyvandarlıq kompleksləri tikilir. Əvvəlki illərdə Qəbələ, Ağcabədi, Ağdam, Bərdə və başqa rayonlarda 7 450 başlıq analoji komplekslər tikilib.
“Aqrolizinq” ASC-də Turan-a deyiblər ki, 2009-cu ildən büdcə vəsaitləri ilə Almaniya və Avstriyadan 6290 baş damazlıq düyə gətirilib. Onlardan alınan 4806 bala ilə birlikdə sayları 11 min başı keçib.
Təkcə 2012-ci ildə prezidentin sərəncamı ilə ehtiyat fondundan “Aqrolizinq” ASC-yə 9,4 milyon manat ayrılıb. Cəmiyyətin 1,14 milyon manat təkrar istifadə vəsaitləri hesabına 3020 baş Holştin–friz cinsli damazlıq heyvan alınıb. Onlardan 2420 başı respublikaya gətirilib. Qalan 600 baş damazlıq heyvanın yaxın vaxtlarda respublikaya gətirilməsi təmin olunacaq, deyə SC-də bildiriblər. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz