«Dalğıc» MMC üçün növbəti tranş

Unibank neft xidmətləri şirkəti "Dalğıc" MMC-yə 1,5 mln ABŞ dolları həcmində kredit verib. Bu, avqustun əvvəlindən ikinci kreditdir. Ötən ay Unibank və AYİB-dən $10 mln cəlb edilib.

Vəsait Xəzərdə icra olunan dalğıc işləri, sualtı-texniki işlər, gəmi təmiri işləri üçün ayrılıb.

2014-cü ilin avqustunda Unibank və Avropa Yenidənqurma və İnkişaf Bankı “Dalğıc" şirkətinə 10 milyon ABŞ dolları məbləğində kredit ayırıb. Bu layihə AYİB-in Azərbaycanda yerli banklarla birgə maliyyələşdirdiyi layihələrin arasında ən böyüyüdür.

 «Ölkəmizdə sahibkarlığın inkişafına dəstək, hər zaman Unibank-ın prioritetlərindən biri olaraq qalır. Hazırda bankın yalnız bizneslə məşğul olan müştərilər üçün 4 ixtisaslaşdırılmış filialı fəaliyyət göstərir. “Qara Qarayev” biznes-filialı, “Baksovet” və “Dərnəgül” filialları və “Unibank biznes mərkəzi” bizneslə məşğul olan müştərilərin yüksək keyfiyyətli və səmərəli bank xidmətlərinə tələbatını ödəyir», - deyə bankın məlumatında bildirilir.

«Unibank» ASC 2002-ci ildə yaradılıb. Nizamnamə kapitalında fiziki şəxslər 66,21%, hüquqi şəxslər 33,79%, o cümlədən AYİB 12,15%, DEG 6,68% pay sahibidir.

«Dalğıc MMC» bankın ən iri korporativ müştərisidir. --17D—