Bu ilin I yarısında Azərbaycanda 82 min daşınmaz əmlak obyektinin mülkiyyət hüququ qeydiyyata alınıb. Ötən ilin eyni dövrü ilə müqayisədə bu bazarda aktivlik 14,7% artıb.
Əmlak Məsələləri Dövlət Komitəsinin məlumatına görə, I yarımildə 23,1 min yeni daşınmaz əmlak obyekti mülkiyyət sənədi alıb. Daşınmaz əmlakın ilkin qeydiyyatı 12,3% artıb.
Təkrar bazarda investorların aktivliyi daha aşkar olub. Daşınmaz əmlakın alqı-satqısı üzrə 58,9 min əqd qeydiyyata alınıb. Bu, 2012-ci ilin ilk yarısındakından 15,7% çoxdur.
Daşınmaz əmlakın növlərindən torpaq sahələri liderdir – 32 224 (+18,3%). ƏMDK-də bunu iqtisadi aktivliyin artması, eləcə də əhali arasında mülkiyyət hüququ qeydiyyatı üzrə maarifçilik işi ilə izah edirlər.
İlin əvvəlindən çoxmərtəbəli binalarda 28,1 min mənzil (+9%) üzrə əməliyyat olub. Bunun 6422-si mənzil sahiblərinin evlərini özəlləşdirməsi üzrədir.
İlkin və təkrar bazarda 16 867 fərdi mənzil və bağ evinə mülkiyyət hüququ qeydiyyata alınıb. Bu seqmentdə artım 17,4% olub.
Daşınmaz əmlak bazarında Bakının xüsusi çəkisi 37,1% olub. Paytaxtda daşınmaz əmlak üzrə əməliyyatların üçdə ikisi (20,1 min) mənzillərin payına düşür. 08D
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz