Daşınmaz əmlak hüququnun ilkin qeydiyyatı 20% azalıb

 Bu ilin I yarısında Azərbaycanda 71 468 daşınmaz əmlak obyektinə mülkiyyət hüququ sənədi verilib. Bu, ötən ilin eyni dövründəkindən 3,9% çoxdur. Daşınmaz əmlak bazarında aktivlik yalnız təkrar bazardadır. 

Daşınmaz Əmlakın  Dövlət Qeydiyyatı Xidməti 2012-ci ilin I yarısında təkrar bazarda mülkiyyətçinin dəyişməsi iıə bağlı 50,8 min əməliyyat qeydə alıb. Təkrar bazarda aktivlik 18% artıb. Deyilən dövrdə mülkiyytəçilər 20,5 min yeni obyekti sənədləşdirib. Bu, ötən ilin eyni dövründəkindən 19,9% azdır. 

Bu ilin I yarısında daha populyar daşınmaz əmlak növü torpaq sahələri olub. Bu növ üzrə 27,2 min mülkiyyətçinin hüququ qeydiyyata alınıb. Bazarda aktivlik artımı məhz torpaq sahələri hesabına artıb (+13,3%). Fərdi ev və bağ sahələri (14,3 min) üzrə əqdlər I yarımildə 3,1% azalıb. 

Ölkə üzrə daşınmaz əmlakla bağlı əməliyyatların 37,1%-i paytaxtın payına düşüb. Bakıda daşınmaz əmlak üzrə əməliyyatlarda mənzillərin xüsusi çəkisi 66,7% təşkil edib. 

Müşahidəçilər qeyd edir ki, daşınmaz əmlak hüququnun qeydiyyatında proseslərin avtomatlaşdırılması ilə əlaqədar bu sahədə bürokratiya və korrupsiya xeyli azalıb. 08B