Yanvarda İcbari Sığorta Bürosunun üzvü olan sığorta şirkətləri ötən ilin yanvarı ilə müqayisədə daşınmaz əmlakın icbari sığortası mükafatlarını 38% artırıblar.
Büronun məlumatında deyilir ki, bu növ üzrə sığorta haqlarının həcmi 5,7 mln mant olub. Sığorta şirkətləri bu növ üzrə 5 min 253 müqavilə (mənfi 22,6%) bağlayıblar. Əgər əvvəllər müqavilələrin mütləq əksəriyyəti yaşayış evi və mənzillərin payına düşürdüsə, indi bu göstərici 55,4%, inzibati tikililər 0,5%, kommersiya daşınmaz əmlakı 44,1% təşkil edir.
Daşınmaz əmlakın icbari sığortası üzrə maksimal ödəniş Bakıda 25 min manat, Gəncə, Sumqayıt və Naxşıvanda 20 min manat, başqa məntəqələrdə 15 min manat, sığorta tarifi sığorta məbləğinin 0,2%-dir. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz