AzMeCo-dan sonra Azərenerji də Rusiya qazı idxal etməyi qərara alıb

Azərbaycan Dövlət Neft Şirkəti “Azərenerji” SC-yə Rusiyanın “Qazprom” ASC-dən qaz almaqda yardım etməyə hazırdır, bu barədə bu gün jurnalistlərə şirkətin marketinq və investisiyalar üzrə vitse-prezidenti Elşad Nəsirov bildirib.

“Hələlik Rusiya tərəfi ilə qaz alqısı haqqında razılaşma yoxdur. Bu qazın idxalı SOCAR üçün deyil, qazı kifayət etməyən “Azərenerji” SC üçün nəzərdə tutulur. SOCAR bu qazı almaqda kömək etməyə və öz infrastrukturunu təqdim etməyə hazırdır”, deyə Nəsirov qeyd edib.

Onun sözlərinə görə, “hökumət belə bir göstəriş versə və hər-hansı qaz tədarükçüsü ilə razılaşma olsa”, “Azərenerji” üçün artıq 2016-cı ildə qaz almaq mümkün olacaq.

Bu zaman o, hansı idxal həcmindən söhbət gedə biləcəyini dəqiqləşdirməyib.

Qeyd edək ki, “Azərenerji” 2015-ci ildə öz istilik elektrik stansiyalarında elektrik enerjisi istehsal etmək üçün 315,6 ton odluq mazutdan istifadə edirdi. BU il enerji idarəsinin ucuz mazutdan istifadə etmək istəməməsinin (dəyəri 100 manat və ya hazırki məzənnə ilə 63 dollar) və 3 dəfə bahalı olan Rusiya qazını idxal etməyi qərara almasının səbəbi aydın deyil.

Xatırladaq ki, Azərbaycanın AzMeCo metanol zavodu 2015-ci il sentyabrın 28-dən ölkədə xammal çatışmazlığını qarşılamaq məqsədilə Rusiya qazı idxal etməyə başlayıb. SOCAR Rusiya qazının nəqlinə kömək edib. Oktyabrın 20-də Rusiya qazının idxalı dayandırılıb. AzMeCo bunu Rusiya qazının qiymətinin rəqabətədavamlı məhsul istehsal etməyə imkan verməməsi ilə izah edib. Turan-da olan məlumata görə, Azərbaycan müəssisəsi 1000 kubmetri 190 dollara olmaqla cəmi 100 mln. kubmetr qaz idxal edib. -12C-