![Daşınmaz əmlakın qeydiyyatında şəffaflıq yoxdur](https://turan.az/resized/media/2013/main/042900034331-750-500-resize.webp)
Daşınmaz əmlakın qeydiyyatında şəffaflıq yoxdur
Bu gün «Şəffaflıq-Azərbaycan» təşkilatı ekspert, hüquqşünas, hökumət təmsilçiləri və QHT-lərin iştirakı ilə daşınmaz əmlakın qeydiyyatında şəffaflığın təmin edilməsi ilə bağlı dəyirmi masa keçirib. Tədbirdə qeyd edilib ki, sahibkarların hüquqlarının müdafiəsi üçün bu prosesdə sistemli dəyişikliklər lazımdır. Bu gün yüz minlərlə daşınmaz əmlak obyekti dövlət qeydiyyatını gözləyir.
«Şəffaflıq-Azərbaycan» təşkilatının icraçı direktoru Rəna Səfərəliyeva qeyd edib ki, Bakı sakinlərinin yarıya qədəri mənzilinin qanuni olması ilə bağlı sənədə malik deyil. Bu, dövlət strukturlarının qanunsuz hərəkətləri şəraitində daimi narahatlıq yaradır.
Vəkil Fuad Ağayev qeyd edib ki, «Daşınmaz əmlakın dövlət reyestri haqqında» qanun daşınmaz əmlak sahibləri haqda informasiyanın açıqlığını nəzərdə tutmur. Onun sözlərinə görə, dövləti ehtiyacı adı ilə həyata keçirilən bir sıra layihələr zamanı sahibkarların hüquqları kütləvi şəkildə pozulur, icraçılar qeyri-insani davranış göstərir, hüquq mühafizə orqanları susur. Məhkəmə orqanları Avropa İnsan Haqları Məhkəməsinin vətəndaşların mülkiyyətinə dövlətin müdaxiləsinin yolberilməzliyi ilə bağlı qərarlarına etina etmir.
«Azad iqtisadiyyata yardım» İB-nin eksperti Emin Abbasov icazəsiz tikililərin qeydiyyatı probleminə toxunub. Onun sözlərinə görə, Bakıda qanunsuz tikililər əsasən 1999-cu ildən peyda olmağa başlayıb. Bu, urbanizasiya, miqrasiya və daşınmaz əmlakın qeydiyyatının hüquqi problemləri ilə bağlıdır. Ölkə parlamenti və dövlət başçısı iki dəfə problemə diqqət ayırıb, xüsusi komissiya yaradılıb. Amma hökumət tikililərin leqallaşmasına tələsmir.
Diskussiya iştirakçıları qeyd edib ki, beynəlxalq praktikada 5 ildən çox qanunsuz tikilidə yaşayan vətəndaşlar ona hüquq əldə edirlər. Azərbaycanda isə hətta bir əsr tarixi olan mülkə hüquq təsdiqlənmir.
Daşınmaz əmlakın ilkin qeydiyyatı səlahiyyətinin «ASAN Xidmət»ə verilməsi, həmçinin daşınmaz əmlakın qeydiyyatı üzrə «bir pəncərə» sistemi yaratmaq təklif olunub. 08C.
-
- Siyasət
- 29 Aprel 2013 15:48
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz