DB və IFC Doing Businessdə Azərbaycanın reytinqini hazırlayır

  Sentyabrın 9-da Bakıda Dünya Bankı  və Beynəlxalq Maliyyə Korporasiyasının birgə missiyası Doing Businessdə Azərbaycanın reytinqini hazırlayacaq.

Bu strukturların nümayəndələrinin görüşü zamanı IFC-nin Azərbaycandakı nümayəndəsi Aliyə Əzimova deyib ki, Azərbaycan postneft erasına qədəm qoyub və ölkədə qeyri-neft sektorunun inkişafına yönələn tədbirlər reallaşdırılır: "İFC olaraq biz qeyri-neft sektoru və özəl sektorun inkişafını daha da aktivləşdirmək üçün öz dəstəyimizi göstərəcəyik".

Prezident Administrasiyasının sektor müdiri Elxan Mikayılov qeyd edib ki, yeni iqtisadi model yaratmaq ərəfəsindəyik. Yeni iqtisadi model qlobal dəyər zəncirlərinə inteqrasiya olunmalıdır. Bu, rəqabətqabiliyyətli dəyər zəncirlərinin yaranmasına gətirib çıxaracaq. Bununla da rəqabətqabiliyyətli istehsal müəssisələri yaranacaq".

ünya Bankı Qrupunun özəl sektor üzrə baş mütəxəssisi Melissa Rekas Mets "Diversifikasiya,Qlobal dəyər zəncirləri və müəssislərin inkişafı" ilə bağlı təqdimatla çıxış edib.  O, qlobal dəyər zəncirinin rəqabətliliyin təminatında rolundan və şirkətlərin inkişaf etdirilməsi üçün tələb olunan alətlər barədə məlumat verib.

Xatırladaq ki, Doing Business – 2016-da Azərbaycan 67,8 balla 63-cü olub. Ən yaxşı göstərici  (7-ci yer) biznesə başlamaq üzrə olub. Azərbaycan tikintiyə icazədə 114-cü elektrik təchizatına qoşulmaq üzrə 110-cu, mülkiyyət qeydiyyatında 22-ci,  kredit alınmasında 109-cu vəs olub. Reytinqdə 189 ölkə iştirak edir. --17D—