"Deka Bank" ASC 2013-cü ilin 3 rübünün yekununda vergi ödəniləndən sonra 2,78 mln manat xalis mənfəət əldə edib. Bu, 2012-ci ilin eyni dövrü ilə müqayisədə 21,4% çoxdur. Bankın gəlirləri 0,2% artaraq 5,1 mln manat, xərcləri 17,3% azalaraq 2,28 mln manat olub.
Aktivlər bu dövrdə 8,8% artaraq 64,54 mln manata çatıb. Verilən kredit həcmi 1,8% artımla 52,17 mln manat olub.
Bankın ümumi öhdəlikləri 41,74 mln-dan 32,65 mln manata azalıb. Depozit portfeli 60,3% azalaraq 7,52 mln manat, o cümlədən müddətli müştəri əmanətləri 57,3% azalaraq 6,69 mln manat olub.
Balans kapitalı 31,89 mln manata çatıb. Məcmu kapital 95,7% artaraq 27,61 mln manat, ödənilmiş nizamnamə fondu 78,4% artaraq 23,99 mln manat olub. --15B--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz