Dekabr ayinda inşaat materiallarinin qiyməti sabit olaraq qalib

İnşaat materialları bazarında aparılmış monitorinqin nəticələrinə görə dekabr ayında qiymətlər orta hesabla dəyişməz olaraq qalmışdır. Qeyd olunan passivlik inşaat materiallarının qiymətləri ilə yanaşı alıcılıq qabiliyyətindədə öz əksini tapıb. Yerli bazarda istehsal olunan məhsulların bazardakı ümumi həcmi ötən ayda olduğu kimi 53,5%, idxal məhsullarında isə 46,5% təşkil edib. Ümumiyyətlə 2012-ci il ərzində inşaat materialları bazarında qiymət dəyişikliyi dinamikası yanvarda-0,3%, martda-1,4%  mayda- 1,8%, iyulda-0,3%, noyabrda-2,3% azalma, martda-1,4% artım, iyunda-0,5% artım, sentyabrda isə-1,6% artım müşahidə edilmişdir. Digər aylarda isə qiymətlər sabit olaraq qalmışdır. 

Son bir ildə isə İnşaat Materialları Bazarında qiymətlər  orta hesabla 1,2% artıb. İl ərzində qiyməti dəyişən inşaat materiallarından  əsasən armatur-1,8%, daş-2,8%, dam örtükləri-1,7%, şüşə-1,2%, taxta-8,7%, ağac əsaslı lövhələr-4,4%, emusiya və boya-4,3%, alçipan-1%, plasmas borular- 2,4% artıb, inşaat qumu isə-5,3% ucuzlaşıb. 

Ekspertlər son bir ayda qiymətlərin ucuzlaşmasını və bazardakı passivliyi əsasən mövsümi amillərlə və eləcədə “Yeni il” bayramı ilə əlaqələndirirlər. Mövsümlə əlaqədar olaraq dekabr ayında tikintinin zəifləməsi bazarda yerli və xarici inşaat materiallarının çoxalmasına səbəb olub ki, buda qiymət azalması ilə nəticələnib. Yaxın günlərdə qiymətlərin sabit qalacağı, aktivliyin isə nisbətən aşağı olacağı gözlənilir.